Іshki kóshi-qon kórsetkishi jylyna 300 myń adam deńgeıinde turaqtady - G. Ábdihalyqova
ASTANA. Maýsymnyń 18-i. QazAqparat /Qanat Mámetqazyuly/ - Qazaqstannyń ishki kóshi-qon kórsetkishi jylyna 300 myń adam deńgeıinde turaqtady.
Búgin QR Parlamenti Senatynda «Qazaqstan Respýblıkasyndaǵy kóshi-qon protsesteri jáne kóshi-qon salasyndaǵy zańnamany jetildirý perspektıvalary» taqyrybyna arnalǵan ǵylymı-praktıkalyq konferentsııa barysynda Eńbek jáne halyqty áleýmettik qorǵaý mınıstri Gúlshara Ábdihalyqova osylaı málim etti.
«Oblysaralyq jáne oblysishilik kóshi-qon úderisterine sońǵy 20 jylda 5 mln.-nan astam adam qatysty. Búgingi kúni ishki kóshi-qon kórsetkishi jylyna 300 myń adam deńgeıinde turaqtady. Іshki kóshi-qonnyń negizgi bóligi - bul aýyl adamdary jáne saraptaýlar ishki kóshi-qonyna qatysýshylardyń beıimdelý múmkindikteri tómen ekendigin kórsetken», dedi G. Ábdihalyqova.
Mınıstrdiń aıtýynsha, kóshi-qon máselesi barlyq jaǵdaıda jasampaz kúsh bola almaıdy. ıAǵnı, damý úderisterimen birge, kóshi-qon birqatar aıtarlyqtaı problemalardy týdyrady. «Máselen, zańsyz kóshi-qon, zııatker kadrlardan aıyrylý, kóship-qonýshylardyń el aýmaǵyna teńgerimsiz ornalasýy, jergilikti eńbek naryǵyndaǵy básekelestik - bunyń bári qoǵamdyq turaqtylyq pen memlekettik qaýipsizdikke qater tóndiredi. Qabyldanǵan sharalarǵa, belgili bir oń jaǵdaılar oryn alǵanyna qaramastan retteletin kóshi-qon úderisterinde birqatar alańdaýǵa turarlyq máseleler bar. Birinshiden, bul ulttyq zańnamanyń jetilmegendigi. Atap aıtqanda, qoldanystaǵy zańnamada eńbek jáne etnıkalyq kóshi-qon máseleleri ǵana rettelgen. Kóshi-qon úderisterindegi aqparattyq qamtamasyz etýlerdiń de jetkiliksizdigi baıqalady. Kóshi-qon úderisterin esepke alýdyń, boljaýdyń, josparlaýdyń biregeı júıesi jumys istemeıdi», dedi G. Ábdihalyqova.
