Іshki kólik turaǵy joq turǵyn úıler salynbaıdy – Jeńis Qasymbek
ASTANA. QazAqparat – Astana qalasynyń ákimi Jeńis Qasymbek Esil aýdany turǵyndarymen kezdesýinde bıyldan bastap ishki kólik turaǵynsyz jobalanǵan úı salýǵa tyıym salynatynyn aıtty, dep habarlaıdy QazAqparat tilshisi.
«Astanadaǵy úılerdiń kóbi ishki parkıngsiz salynǵan. Bıyldan bastap kez kelgen kópqabatty úıdi ishki turaqsyz salýǵa tyıym salyp otyrmyz. Eger qurylys jobasynda jabyq turaq bolmasa, ondaı úıler salynbaıdy», - dedi Jeńis Qasymbek.
Sondaı-aq, ol «Family Village» saıajaı kentine bıyl gaz tartyla bastaıtynyn aıtty.
«Kenttegi alǵashqy kósheler bıyl gazdandyrylady. Al gaz qubyryn jerdiń astymen júrgizý týraly ótinishti oryndaý qıyn. Bizde jer astymen gaz qubyryn tartý qıyn. Sondyqtan kóp jerden jer betindegi qubyr ótkizip júrmiz. Eń bastysy, gaz kentterińizge ákelindi, endi ishine tartylady», - dedi Jeńis Qasymbek.
