Іshki ister salasynyń arýlary merekege oraı tapanshadan oq atýdan jarysqa tústi
ASTANA. QazAqparat - Búgin QR Іshki ister mınıstrliginiń Kóliktegi ishki ister departamentinde 8 naýryz - Halyqaralyq áıelder kúnine arnalǵan dástúrli merekelik is-shara ótti. Osyǵan oraı departamenttiń májilis zalynda basshylyq pen jeke quram jınalyp, saltanatty jıynnyń qadirli qonaqtary - pogondaǵy arýlar men ІІO ardager-áıelderdi quttyqtady, dep habarlaıdy departamenttiń baspasóz qyzmeti.
Merekelik jıynda sóz sóılegen Kóliktegi ІІD bastyǵy polıtsııa polkovnıgi Amanjol Qabylov kólik polıtsııasy qurylýyna jáne onyń búgingideı damýyna áıel polıtseılerdiń qosqan orasan zor úlesin atap ótti. Ol elimizdiń qorǵany bolar azamattar men shynaıy patrıottardy tárbıeleýdegi analarymyzdyń róline joǵary baǵa berdi.
«Asa jaýapty qyzmetti adal ári kásibı sheberlikpen joǵary deńgeıde atqaryp kele jatqandaryńyz úshin barlyq er-azamattardyń atynan shynaıy alǵysymdy bildiremin. Sizder únemi sulýlyq pen meıirimdiliktiń, keıde biz qaıran qalatyn shydamdylyqtyń sımvoly bolyp qala beresizder» - dedi ol óz sózinde.
«Ásirese, ishki ister organdarynyń ardager áıelderi Sizderdiń kúsh-jigerlerińiz ben tabandylyqtaryńyz bizdiń boıymyzda naǵyz er azamatqa tán qasıetterdi qalyptastyrýǵa, qolǵa alǵan isimizdi sońyna deıin jetkizý jolyndaǵy kedergilerdi eńserýge úıretti» - dedi.
Elimizdiń bas kólik polıtseıi názik jandy áriptesterine myqty densaýlyq, uzaq ómir, otbasylyq baqyt pen tolaǵaı tabystar tiledi.
Shara sheńberinde kólik polıtsııasynda jemisti qyzmet atqarǵan barlyq ardager-analarǵa estelik syılyqtar men gúl shoqtary tabys etildi. Sonymen qatar, departament pen onyń jelilik bólinisterinde abyroıly qyzmetimen erekshelengen qyz-kelinshekterge qurmet gramotalary men alǵys hattary tapsyryldy.
Aıtýly shara barysynda Kóliktegi ІІD-niń tırinde áıelder arasynda tabeldik qarýdan oq atý boıynsha ótkizilgen jarysta «Eń úzdik mergen» atanǵan qyzmetkerler de departament basshysynyń marapattaryna ıe boldy. Olardyń arasynda polıtsııa maıory Dınara Sarbasova, polıtsııa maıory Jadyra Tolegenova jáne polıtsııa kapıtany Aıda Daetova bar.
Saltanatty shara merekelik kontsertke ulasty.
