Іshki ister organynyń 244 qyzmetkeri jemqorlyq faktisimen ustaldy
ASTANA. 19 qarasha. QazAqparat - Jyl basynan beri ishki ister organynyń 244 qyzmetkeri jemqorlyq faktisimen qolǵa tústi.
Búgin Parlament Májilisinde ótken Úkimet saǵatynda baıandama jasaǵan Іshki ister mınıstri Qalmuhanbet Qasymov osylaı málim etti.
«Іshki ister organdaryndaǵy negizgi qyzmettiń kásibı ıadrosy ishinara ózgeriske ushyrady. Krımınaldy polıtsııa, tergeý jáne ýchaskelik polıtsııa arasyndaǵy qyzmetkerlerdiń 60 paıyzdan astamynda 5 jyldan astam eńbek ótili bar. Árıne, biz bir ǵana kásibıliktiń jetkilisiz ekenin túsinemiz. Eń bastysy, polıtsııa qatarynda adal, shynshyl azamattardyń bolǵany kerek. Biz osy tóńirektegi problemamen kúresip, óz qatarymyzdy jemqorlardan tazartýdamyz», - dedi vedomstvo basshysy.
Onyń sózine qaraǵanda, tek bıyldyń ózinde 542 qyzmetker jaǵymsyz sıpattarǵa oraı jumystan bosaǵan. «Qyzmetkerlermen 244 sybaılas jemqorlyq qylmys jasalǵany anyqtaldy. Onyń ishinde 86 fakti para alýǵa baılanysty oryn alyp, 29-y sotty boldy. Qoǵam tarapynan polıtsııanyń qatań synalýyn ádil syn dep sanaımyz. Ár synnan tıisti qorytyndy shyǵarýǵa umtylamyz», - dedi Q. Qasymov.
