Іshki ister organdarynyń ókilderi Uly Otan soǵysynda qaza tapqandardy eske aldy
Saltanatty sharaǵa Іshki ister mınıstrliginiń basshylyǵy, ardagerler, Uly Otan soǵysynyń ardagerleri - ishki ister organdary men ishki áskerlerdiń ardagerleri, ardagerlerdiń jesirleri, tyl eńbekkerleri men olarǵa teńestirilgen adamdar qatysty.
Іs-sharaǵa qatysýshylar Uly Otan soǵysynda qaza bolǵandardy bir mınýt únsizdikpen eske aldy. Ardagerler men shaqyrylǵan qonaqtardyń aldynda Іshki ister mınıstri Qalmuhanbet Qasymov, ishki ister organdary men ishki áskerlerdiń qazaqstandyq ardagerler keńesiniń tóraǵasy mılıtsııa general-maıory Ómirzaq Bolsambekov, ishki ister organdarynyń ardageri, Uly Otan soǵysynyń qatysýshysy Aıdarhan Báıken sóz sóıledi.
Іshki ister mınıstri Q. Qasymov: "Surapyl jyldardaǵy urpaq ýaqyttyń qatal synynan ótip, jaýdy jeńdi. Soǵystan keıingi aýyr kezeńde Uly Otan soǵysynyń qatysýshylary - ishki ister organdarynyń qyzmetkerleri qoǵamnyń kúıreýimen jáne beleń alǵan qylmyspen belsendi kúresip, azamattardyń quqyǵyn qorǵady, ishki ister organdarynyń nyǵaıýyna jáne damýyna laıyqty úles qosty", - dep atap ótti.
Gúl destesin qoıý saltanatynan keıin jáne qaza bolǵandardy únsizdikpen eske alǵannan keıin ardagerler men shaqyrylǵan qonaqtardyń aldynda ishki ister organdarynyń elordalyq garnızonynyń bólinisteri úrmeli aspaptardyń súıemeldeýimen saltanatty sherýmen ótti.
Іs-sharaǵa Uly Otan soǵysynyń 52 qatysýshysy, ardagerlerdiń jesirleri, tyl eńbekkerleri men olarǵa teńestirilgen adamdar qatysty.
