Іshki ister organdarynyń esebinde turǵan 6 myńnan astam adamdy elordalyq tártip saqshylary jiti baqylaýǵa kiristi
ASTANA. Qarashanyń 17-si. QazAqparat /Aıdar Ospanalıev/ - Astanada 6 myńnan astam azamat ishki ister organdarynyń esebinde tur. Elordalyq tártip saqshylary olardyń júrip-turýyn baqylaý jáne ekinshi qaıtara qylmys jasaýǵa beıim azamattardy anyqtaý maqsatynda «Esep» jedel-saýyqtyrý sharasyn bastady,
dep habarlaıdy QazAqparat.
Astana qalalyq Іshki ister departamenti bastyǵynyń orynbasary Qaırat Muhıtovtyń sózine qaraǵanda, atalmysh sharaǵa ýchaskelik ınspektorlarmen qatar, kámeletke tolmaǵandardyń isi jónindegi ınspektsııa, qylmystyq, patrýldik polıtsııa qyzmetteri men osy isti júzege asyrýǵa múddeli ózge de memlekettik organdar atsalysýda. Shara aıasynda ákimshiliktiń nazarynda júrgen azamattardyń túngi mezgilderdegi áreketterin baqylaý maqsatynda arnaıy top qurylady. Baqylaýdaǵy azamattar tártip buzatyn bolsa, olarǵa qatysty qylmystyq is qozǵalýy da múmkin. Shara qarashanyń 20-na deıin sozylady.
