Іshki ister organdarynyń ardagerleri ulyqtaldy
QYZYLORDA. QazAqparat-1 qazan - Dúnıejúzilik qarttar kúnine oraı qyzylordalyq polıtseıler ishki ister organdary ardagerlerin ulyqtap, meıramhanada merekelik túski as berdi.
Bul týraly OІІD baspasóz qyzmetinen habarlady.
Shara barysynda Іshki ister departamenti bastyǵynyń mindetin atqarýshy polıtsııa polkovnıgi A.Meńdiǵalın sóz aldy. Ol Qazaqstannyń ósip-órkendeýine, elimizdiń beıbitshilik, tynysh ómir keshýine óz úlesterin qosqan osy ardaqty da aıaýly qarttardy merekelerimen quttyqtap, eńbektiń zeınetin kórip otyrǵan shaqta ár urpaqqa ıgilik pen izgiliktiń, paıym-parasattyń úlgisin tanytqany úshin alǵystaryn bildirdi. Sondaı-aq, zeınetke shyqsa da qoǵamdyq jumystarǵa belsene aralasyp, ósip kele jatqan jastardy tárbıeleýde zor úles qosyp kele jatqan ardagerlerdi alǵys hattarmen marapattady.
Qyzylorda OІІD janyndaǵy Ardagerler keńesiniń jańadan saılanǵan tóraǵasy Tuńǵyshbaı Serikbol Qýantbaıuly quttyqtaý sóz sóılep, qarttardy ulyqtaýǵa baǵyttalǵan bolashaqtaǵy josparlarymen bólisti.
Shara barysynda ardagerler ómirden ozǵan qyzmettes dostaryn, úzeńgiles áriptesterin eske alyp, árýaqtaryna quran baǵyshtady. Ásirese, osyndaı is-sharalardyń uıymdastyrylýyna uıytqy bolyp júretin Ardagerler keńesiniń burynǵy tóraǵasy Peısov Myltyqbaı Peısulynyń aty zor qurmetpen ataldy.
Shara kontserttik baǵdarlamamen qorytyndylandy. Ardaqty ardagerlerdiń qurmetine ánder aıtylyp, bıler bılendi.
