Іshki ister organdarynyń 207 qyzmetkeri jumystarynan bosatýǵa usynyldy - attestattaý nátıjesi
ASTANA. 12 qyrkúıek. QazAqparat - Іshki ister mınıstrligi Ortalyq attestatsııalaý komıssııasynyń jumys nátıjesi boıynsha 207 qyzmetker ishki ister organdarynan qyzmetten bosatylýǵa usynyldy.
Bul týraly búgin QR ІІM kadr jumysy departamenti bastyǵynyń orynbasary Bolat Іshkibaev málim etti.
Aıta keteıik, bıylǵy 27 maýsymda ІІM-niń Ortalyq attestatsııalaý komıssııasy ishki ister organdarynyń qyzmetkerlerin kezekten tys attestatsııalaý boıynsha jumysqa kiristi.
«Qazirgi kezde ІІM nomenklatýrasy boıynsha 3006 qyzmetker kezekten tys attestatsııalaýdan ótti. Bul sanattaǵy qyzmetkerlerge toqtalsaq, onyń ishinde Ortalyq apparattyń barlyq qyzmetkerleri, ІІM-niń qyzmet basshylary, qalalyq jáne aýdandyq jelilik ishki ister organdarynyń basshylary, qylmystyq atqarý júıesi mekemeleriniń bastyqtary, sondaı-aq esirtki bıznesine qarsy kúres jáne ózindik qaýipsizdik bólimsheleriniń qyzmetkerleri bar. Attestatsııalaý aldynda jáne ony ótkizý barysynda 117 qyzmetker ishki ister organdarynan qyzmetterinen shyǵýyna baılanysty attestattaýdan ótýden bas tartty. Attestatsııalaý nátıjesi boıynsha 73 qyzmetker joǵary turǵan laýazymǵa usynyldy, al 2321-si laýazymdaryna laıyqty ekendikterin tanytty»,-dedi ol.
Onyń sózine qaraǵanda budan bólek, 613 qyzmetker laýazymdaryna laıyqsyz dep tanyldy. Onyń ishinde 276-syn qyzmetinen tómendetý, 130-yn basqa qyzmetke aýystyrý, sondaı-aq 207-sin ishki ister organdary qyzmetinen shyǵarý usynyldy.
