Іshki ister organdarynda jazaǵa qansha basshy tartyldy

NUR-SULTAN. QazAqparat – 2019 jyly ishki ister organdarynda sybaılas jemqorlyq deńgeıi 34 paıyzǵa azaıdy. Bul týraly elordada QR ІІM Ózindik qaýipsizdik departamentiniń basshysy Arman Sadanov málim etti, dep habarlaıdy QazAqparat tilshisi,

«Sybaılas jemqorlyqqa qarsy kúres máseleleri ishki ister organdaryn modernızatsııalaý jónindegi jol kartasyna engizilgen. Qabyldanǵan sharalardyń nátıjesinde sybaılas jemqorlyq deńgeıi 2019 jyly 34 paıyzǵa qysqardy. Sybaılas jemqorlyq qylmysynyń 68 paıyzyn Ózindik qaýipsizdik departamenti kúshteri anyqtady. Jaýapqa tartylǵan qyzmetkerlerdiń sany aıtarlyqtaı tómendedi», - dedi A. Sadanov.

Onyń sózine qaraǵanda, ishki ister organdarynyń basshylyq quramyna qoılatyn talaptar kúsheıtildi.

«2019 jyly baǵynyshty qyzmetkerlerine qatysty tótenshe oqıǵalar úshin 1 283 basshy tártiptik túrde jazalandy», - dedi departament basshysy.

A. Sadanovtyń aıtýynsha, onyń ishinde 95-i qyzmetinen shyǵaryldy, 242-si atqarǵan laýazymynan bosatyldy.

Budan buryn habarlanǵandaı, bıyl para alǵan 16 polıtsııa qyzmetkeri ustaldy.

«2020 jyldyń basynan beri 16 polıtsııa qyzmetkeri para alǵany úshin ustaldy. Ustalǵandardyń arasynda jol-patrýldik polıtsııasynyń qyzmetshileri, tergeýshiler, sondaı-aq QAJ komıteti quramyndaǵy mekemelerdiń ókilder bar. Statıstıkalyq aqparatqa qaraǵanda, ár óńirde bir adamnan anyqtaldy. Bıyl Almaty, Atyraý, Jambyl, Qaraǵandy, Qostanaı, Qyzylorda oblystarynda osyndaı oqıǵalar tirkelmedi. Paranyń eń joǵary somasy - 100 myń teńge. Al keshe Petropavlda polıtseıdiń 2 mln teńge somasynda para alý kúdigine ilikkeni belgili boldy», - dedi Arman Sadanov.