«Іshki ister organdarynda memlekettik tildi oqytýdy júıelendirý» taqyrybynda ótkizilgen semınar-keńes ótti

Bul týraly QR Mádenıet jáne aqparat mınıstrliginiń  baspasóz qyzmeti habarlady.

Atalmysh is-sharaǵa Qazaqstan Respýblıkasynyń Parlamenti Májilisiniń depýtaty Orazkúl Asanǵazyqyzy, Qazaqstan Respýblıkasy Mádenıet jáne aqparat mınıstrliginiń Til komıteti tóraǵasynyń orynbasary Sherýbaı Qurmanbaıuly, sonymen qatar barlyq memlekettik organdardaǵy memlekettik til bólinisteriniń ókilderi qatysty.

Semınar-keńesti uıymdastyrýdaǵy basty maqsat - elimizdiń quqyq qorǵaý organdaryndaǵy memlekettik tildi oqytýdy birizdendirý, júıelendirý.

Іshki ister mınıstrligi Mádenıet jáne aqparat mınıstrliginiń Til komıtetimen jáne Prezıdent janyndaǵy Memlekettik basqarý akademııasymen birlese otyryp, «Іshki ister organdary qyzmetkerlerine memlekettik tildi oqytýǵa arnalǵan biryńǵaı ádistemelik baǵdarlama» jobasyn ázirleýdi qolǵa alǵan. Baǵdarlamada  polıtsııa qyzmetkerleriniń kúndelikti qyzmette qoldanylatyn kásibı termınderin úıretý kózdelgen.

http: www.iim.gov.kz saıtynda «Memlekettik tildi damytý» bólimi ashyldy.

 Sondaı-aq, elektrondyq kómekshi qural ázirlengen, elektrondyq sózdik barlyq jurtshylyqqa qoljetimdi bolýy úshin ІІM-niń Veb-portalynda ornatyldy.

Іshki ister mınıstrliginiń bastamasymen ishki ister organdaryndaǵy barlyq basshy laýazymdaǵy qyzmetkerlerge arnalǵan «Memlekettik til» kýrsy uıymdastyryldy.

Búgingi kúni elimizdiń ishki ister organdarynda 15 myńnan asa qyzmetker memlekettik tildi oqyp-úırenýde.

Taǵy bir aıta ketetin jaıt, bıylǵy jyly Іshki ister mınıstrliginde alǵash ret aýmaqtyq ishki ister organdary qyzmetkerleriniń arasynda on-laın rejıminde memlekettik tilden emtıhan ótkizilgen. Atalmysh is-shara aldaǵy ýaqytta da óz jalǵasyn tappaq.

El tynyshtyǵyn saqtaıtyn, qoǵamdyq qaýipsizdikti qorǵaıtyn, halyqpen betpe-bet jumys isteıtin saqshylarymyzǵa arnap kómekshi qural retinde ár sala (jol polıtsııasy, kóshi-qon polıtsııasy, qoǵamdyq qaýipsizdik qyzmeti) boıynsha tildeskishter basyp shyǵarylǵan.