Іshki ister organdaryn qajetsiz fýnktsııalardan bosatý qalaı júrip jatyr
NUR-SULTAN. QazAqparat – Іshki ister mınıstri Erlan Turǵymbaev ishki ister organdaryn qajet emes fýnktsııalardan bosatý jumystaryn baıandady, dep habarlaıdy QazAqparat tilshisi.
«Memleket basshysy ishki ister organdaryn qajet emes fýnktsııalardan bosatýdy tapsyrdy. Ótken jyly 72 nysan berildi. Olardyń qatarynda qalalyq, aýdandyq ákimdikter, medıtsınalyq jáne basqa da nysandar bar. Osy jyly taǵy 581 nysan beriledi. Nátıjesinde 3 myń polıtsııanyń shtattyq birligi bosatylady», - dedi E. Turǵymbaev Senattaǵy polıtsııa qyzmetine qatysty Úkimet saǵatynda.
Sonymen qatar mınıstrkóshi-qon qyzmetiniń keıbir fýnktsııalaryn Eńbek jáne halyqty áleýmettik qorǵaý mınıstrligine berý máselesine toqtaldy.
«Búginde kóshi-qon polıtsııasy 60 qyzmetti júzege asyrady. Onyń kóbi polıtsııamen baılanysty emes. Mysaly, bosqyndarmen jumys, olarǵa áleýmettik kómek kórsetý, eńbek ımmıgranttaryna jeke tulǵalarǵa jaldanyp jumys isteýge ruqsat berý. Kóp jaǵdaıda, ruqsat berý fýnktsııasy - jergilikti ákimshilik quzyrynda. Al zańsyz kóshi-qonmen kúres, qujattandyrý, vızalyq jumys, readmıssııa jáne azamattyq berý fýnktsııalary ishki ister organdarynda qalady», - dedi ol.
