Іshki ister organdary qyzmetkerleriniń 85 paıyzy revaktsınatsııadan ótti

NUR-SULTAN. QazAqparat – Іshki ister organdary qyzmetkerleriniń 85 paıyzy revaktsınatsııadan ótti. Bul týraly QR Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.

«Іshki ister mınıstrliginiń Medıtsınalyq basqarmasy COVID-19 koronavırýs ınfektsııasyna qarsy qaıta vaktsınalaýdyń tórtinshi tolqynyn uıymdastyrdy. Búginde ishki ister organdary qyzmetkerleriniń 85 paıyzy revaktsınatsııadan ótti», - dedi ІІM ókili vedomstvonyń baspasóz qyzmeti alańynda ótken brıfıngide.

Onyń atap ótýinshe, organ qyzmetkerleriniń ekpe alýy óte mańyzdy.

«Polıtsııa qyzmetkerleriniń COVID-19 koronavırýs ınfektsııasyna qarsy ekpe alýy óte mańyzdy. Óıtkeni, olar halyqpen tyǵyz qarym-qatynasta jumys isteıdi», - dedi Shuǵyla Turlybek.

Buǵan deıin vedomstvo ókili jyl basynan beri elimizde 12 myńǵa jýyq ınternet-alaıaqtyq tirkelip, kesirinen 7 mlrd teńge shyǵyn keltirilgenin aıtty.