Іshki ister organdary qyzmetkerlerin kezekten tys attestattaýdan ótkizý boıynsha bólim jumys isteı bastady - ІІM
ASTANA. 25 sáýir. QazAqparat - Іshki ister organdary qyzmetkerlerin kezekten tys attestattaýdan ótkizý boıynsha bólim jumys isteı bastady. Bul týraly búgin Іshki ister mınıstrliginde ótken brıfıng barysynda málim boldy.
«Qazaqstan Respýblıkasy Іshki ister mınıstrliginiń www.mvd.gov.kz vedomstvolyq veb-portalynda «Navıgatsııa» aıdarynda ishki ister organdary qyzmetkerlerin kezekten tys attestattaýdan ótkizý boıynsha bólim jumys isteı bastady. Osy portaldaǵy bólimge alda bolatyn kezekten tys attestattaý týraly tolyq aqparat, onyń ishinde attesttaýdy ótkizý erejesin retteıtin barlyq normatıvtik quqyqtyq qujattar, attestattaý komıssııasynyń quramy jáne attestattaýǵa jatatyn ishki ister organdary basshylyq quramynyń derbes tizimi ornalastyrylǵan», - deıdi brıfıng barysynda baspasóz qyzmetiniń basshysy Nurdildá Oraz.
Onyń aıtýynsha, kórsetilgen aıdarda attestattaýdan ótý barysynyń hronologııasy boıynsha aqparat udaıy jańartylyp otyrady jáne qajet bolǵan kezde kórneki (foto jáne beıne) materıaldar da usynylyp otyrady. Budan basqa, portaldyń «Interaktıvti qyzmet kórsetýler» bóliminde arnaıy «Suraq-jaýap» shaǵyn bólimi ashylǵan. Onda paıdalanýshylar Joǵary attestataý komıssııasynan attestattaýdan ótetin quqyq qorǵaý qyzmetkerleriniń zańsyz is-áreketteri týraly buzýshylyqtary men faktileri týraly habarlamalar men shaǵymdaryn qaldyra alady.
Atalǵan qyzmetti paıdalaný úshin «Navıgatsııa» aıdaryndaǵy «ІІO qyzmetkerleriniń kezekten tys attestattaýy» atty bólimine kirý nemese portaldyń negizgi betindegi oń jaqtaǵy buryshynda ornalasqan arnaıy bannerge basý kerek. ІІO qyzmetkerleriniń kezekten tys attestattaýy» bóliminiń betinde tómen jýan shrıftpen jazylǵan «osynda» degen belsendi silteme jumys isteıdi. Ol arqyly «Interaktıvti qyzmet kórsetýler» bólimindegi «Suraq-jaýap» aıdaryna túsýge bolady. Qoldaný kelisimimen tanysqannan keıin habarlamany tirkeý nysanyn toltyryp, ishki ister organdarynyń qyzmetteri tiziminde «ІІO qyzmetkerleriniń kezekten tys attestattaýy» jelisin tańdaý qajet. Barlyq tarmaqtardy, onyń ishinde habarlama mátinin toltyrǵannan keıin, «jiberý» paneline basý qajet. Árbir habarlama tekserilip, attestattaý komıssııasynyń jumysynda eskeriletin bolady.
