Іshki ister organdary qyzmetkerleri arasynda respýblıkalyq «Parasatty polıtseı» baıqaýy ótti
ASTANA. 12 qazan. QazAqparat - Qazaqstan halqynyń Tilder merekesi aıasynda10-11 qazan kúnderi aralyǵynda ishki ister organdary qyzmetkerleri arasynda jyl saıynǵy respýblıkalyq «Parasatty polıtseı» baıqaýy uıymdastyryldy.
Atalǵan is-sharanyń maqsaty - ishki ister organdarynda til saıasatyn nasıhattaý, ІІO qyzmetkerleriniń oń ımıdjin nyǵaıtý, qyzmetkerlerdi Otanǵa, tilge, óz eliniń tarıhyna degen patrıottyq turǵyda tárbıeleý, memlekettik tildiń qoldanylý aıasyn keńeıtý, til mádenıetin kóterý, kórkem til men ádebıetti nasıhattaýdy jandandyrý bolyp tabylady.
Baıqaýǵa respýblıkanyń barlyq aımaqtaryndaǵy ishki ister bólinisteriniń qurama komandalary qatysty.
Jalpy alǵanda, barlyq oblystardyń ІІD qyzmetkerlerinen, sondaı-aq joǵary jáne arnaıy oqý oryndarynan barlyǵy 21 komanda saıysqa tústi. Olardy baǵalaıtyn ádilqazylar múshesiniń quramyna QR Іshki ister mınıstriniń orynbasary A. Kúreńbekov, QR Parlamenti Májilisiniń depýtaty O. Asanǵazy, Mádenıet jáne aqparat mınıstrligi Til komıteti tóraǵasynyń orynbasary Sh. Qurmanbaıuly, til janashyry, «Qurmet» ordeniniń ıegeri O. Botpaı men «Saqshy» gazetiniń bas redaktory B. Ádiljanova kirdi.
Baıqaý 2010 jyldan bastap turaqty túrde ótkizilip keledi. Respýblıkalyq is-sharanyń aıasynda «Parasatty polıtseı degenimiz kim?», «Týǵan tilim-tuǵyrym», «Men ata-anamdy maqtan tutamyn» atty taqyryptarda shyǵarmashylyq baıqaýdyń qorytyndylary jarııalandy. Sondaı-aq, baıqaý qorytyndysy men jeńimpazdardy marapattaý rásimi 11 qazanynda elordadaǵy «Tilep Qobyz saraıynda» ótkizildi.
Baıqaý qorytyndysy boıynsha 5 nomınatsııa aıqyndaldy. Olar:
«Segiz qyrly, bir syrly» atalymy boıynsha ІІM Aqtóbe zań ınstıtýtynan Malaev Іnkárbek Baýyrjan;
«Ónerpaz komanda» atalymynda Qaraǵandy oblysy ІІD-niń «Alash aıbyny» komandasy;
«Kórermen kózaıymynda» - Shyǵys Qazaqstan oblysy ІІD-niń «Ór-Altaı saqshylary» komandasy;
«Úzdik komanda kapıtanynynda» - Jambyl oblysy ІІD «Qaharman eldiń ulandary» komandasy;
«Uıymshyl komandada» - Atyraý oblysy «Atyraý qyrandary» komandasy.
Sonymen qatar baıqaýdaǵy oryndar tómendegideı boldy:
ІІІ-shi oryn - Soltústik Qazaqstan oblysy ІІD-niń «Soltústik juldyzdary» komandasy;
ІІІ-shi oryn - Aqmola oblysy ІІD-niń «Kókshe qyrandary» komandasy;
ІІІ-shi oryn - Ońtústik Qazaqstan oblysy ІІD-niń «Qaqpan» komandasy;
ІІ-shi oryn Qostanaı oblysy ІІD-niń «Aq beren» komandasy;
ІІ-shi oryn Mańǵystaý oblysy ІІD-niń «Mańǵystaý marǵasqalary» komandasy;
І-shi oryn Almaty oblysy ІІD-niń «Aıbatty arlan, Taısalmas tarlan» komandasy;
Bas júldeni Astana qalasy ІІD-niń «7172» komandasy enshiledi.
Baıqaý jeńimpazdaryn QR Іshki ister mınıstriniń orynbasary A. Kúreńbekov arnaıy dıplomdarmen jáne baǵaly syılyqtarmen marapattady. Júldelerdiń ishinde: ІІM shıpajaılaryna joldamalar, vedomstvolyq basylymdarǵa jazylý, «Alataý» sport keshenine jyldyq tegin abonementter men sport kıimderi bar. Baıqaýdyń sońy qazaqstandyq estrada juldyzdarynyń kontsertimen jalǵasty, dep habarlady Іshki ister mınıstrliginiń baspasóz qyzmetinen.
