Іshki ister mınıstrliginiń ókilderin mektep oqýshylary arasynda jasalatyn qylmystar alańdatyp otyr
ASTANA. Aqpannyń 10-y. QazAqparat /Aıdar Ospanalıev/ - Іshki ister organdaryndaǵy arnaıy esepte turǵan jasóspirimder men áleýmettik jaǵynan az qamtylǵan otbasynyń balalary endi Іshki ister mınıstrliginiń sport zaldaryna tegin bara alady. Іshki ister mınıstri Serik Baımaǵanbetov vedomstvo ókilderine osyndaı nusqaý berdi.
Bul týraly búgin atalmysh mınıstrliktiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Departament bastyǵynyń aıtýynsha, Іshki ister mınıstrliginiń ókilderi qazir Elbasy qoıǵan mindetterge sáıkes, kámeletke tolmaǵandar arasyndaǵy quqyqbuzýshylyqtardyń aldyn alýǵa den qoıyp otyr. «Osyǵan baılanysty qazir olardyń arasynda saýyqtyrý jumystary kúsheıtilip, mektep ınspektorlary ınstıtýty damytylýda. Qazirgi tańda atalmysh ınspektorlar sany respýblıka boıynsha 1 myń 500-ge jýyqtady. Bul baǵytta elimizde osyǵan deıin de atqarylǵan sharalar nátıjesin berýde. Sóıtip kámeletke tolmaǵandar arasyndaǵy qylmystar birshama azaıyp otyr. Soǵan qaramastan ishki ister organy ókilderin qazir oqýshylar arasynda oryn alyp otyrǵan quqyqbuzýshylyqtar alańdatýda. Óıtkeni kámeletke tolmaǵandardyń ishinde quqyqbuzýshylyqtarǵa beıim turatyndar kóbine mektepter men lıtseılerdiń jáne gımnazııalardyń oqýshylary. Olar bıylǵy jyldyń qańtar aıynyń ózinde 184 qylmys jasaǵan. Respýblıkanyń keıbir aımaqtarynda kámeletke tolmaǵandar arasyndaǵy qylmystar sany artyp otyr. Osyǵan baılanysty Іshki ister mınıstrligi respýblıka aımaǵynda aqpannyń 15-inen bastap, «Mekteptegi quqyq buzýshylyq» sharasyn uıymdastyrmaq», dedi Q.Jumanov.
