Іshki ister mınıstrliginiń ókilderi qaıyr suraý adam saýdasymen baılanysty qylmystardyń qatarynda qarastyrylýy kerek dep esepteıdi
TANA. 23 tamyz. QazAqparat /Aıdar Ospanalıev/ - Іshki ister mınıstrligi adam saýdasymen baılanysty áreketterdi retteýge baǵyttalǵan jańa zań jobasynyń tujyrymdamasyn daıyndaýda.
Bul týraly búgin «Adam saýdasyn toqtataıyq!» atty aktsııa aıasynda jýrnalıstermen bolǵan baspasóz máslıhatynda málim boldy.
Іshki ister mınıstrligi Krımınaldyq polıtsııa komıtetiniń jedel ýákili Qaratorǵaı Begalınniń aıtýynsha, Іshki ister mınıstrligi Ádilet mınıstrligi, Bas prokýratýra jáne Joǵarǵy sotpen birlese otyryp, «Qazaqstan Respýblıkasynyń keıbir zańnamalyq aktilerine adam saýdasymen baılanysty ózgerister men tolyqtyrýlar engizý týraly» zań jobasynyń tujyrymdamasyn daıyndaǵan. «Qazirgi tańda atalmysh qujat vedomstvoaralyq komıssııanyń qaraýynan ótip, qyrkúıek aıynda Úkimetke bekitýge jiberiledi», - dedi Q.Begalın.
Onyń aıtýynsha, tujyrymdamada adam saýdasymen baılanysty qylmystardan zardap shekken azamattarǵa memleket esebinen mindetti túrde quqyqtyq kómek kórsetý máselesi qarastyrylady. «Mysaly qandaı da bir azamattyń adam saýdasynan zardap shekkeni anyqtalǵan jaǵdaıda birden memleket esebinen advokat jaldanady. Sonymen qatar qujatta qaıyr suraýshylyqty adam saýdasymen baılanysty qylmystardyń qataryna jatqyzý máselesi qarastyrylǵan», - dedi mınıstrlik ókili.
