Іshki ister mınıstrliginiń qyzmetkerleri kezekti ret qan tapsyrdy
NUR-SULTAN. QazAqparat – Medıtsınalyq uıymdardy qan komponentterimen tolyq qamtamasyz etý úshin «Qan tapsyryńyz, álemde ómir ımpýlsi bolsyn» degen lozýngpen jazǵy donorlyq qan aktsııasy ótkizildi, dep habarlaıdy Polisia.kz.
Qyzmetkerler ІІM-niń aýmaǵynda ornalasqan qan men onyń komponentterin qaýipsiz tapsyrý úshin barlyq jaǵdaı jasalǵan qan ortalyǵynyń mamandandyrylǵan avtobýsynda tapsyrdy.
Aktsııa kúni ІІM ortalyq apparatynyń 60-qa jýyq qyzmetkeri qan tapsyrdy. Qan ortalyǵyna 26 lıtr qan jiberildi.
ІІM Esirtki qylmysyna qarsy is-qımyl departamenti basqarmasy bastyǵynyń orynbasary Lıýbov Dosqalıeva turaqty donor bolyp kele jatqandardyń biri. Qan hırýrgııalyq operatsııalar jasaý jáne kúıikke shaldyqqan naýqastarǵa kómek kórsetý kezinde qajet, sondaı-aq onkologııalyq naýqastardyń ómirin saqtaýǵa jáne basqa aýrýlardy emdeýde úlken ról atqarady. Donorlyq qan qorlaryn demalys jáne jyl mezgilderine qaramastan turaqty túrde tolyqtyrý – adamdardyń ómiri men densaýlyǵyn saqtaýdyń kepili. Sondyqtan mınıstrlik qyzmetkerleri donorlyq aktsııalarǵa qatysýdy dástúrge aınaldyrǵan.
– Men úshin qan tapsyrý óte mańyzdy. Óıtkeni donor rásim úshin bergen 450 mıllılıtr bireýdiń ómirin saqtap qalýy múmkin, – deıdi Esirtki qylmysyna qarsy is-qımyl departamentiniń qyzmetkeri Rıza Tóleýbaı.
Óz kezeginde QR DSM Transfýzıologııa ǵylymı-óndiristik ortalyǵynyń medıtsına qyzmetkerleri Іshki ister mınıstrliginiń donorlaryna alǵys bildirdi.
