Іshki ister mınıstrliginiń qyzmeti boıynsha zańsyz tekserister jıi jasalady
ASTANA. 15 shilde. QazAqparat /Arman Asqarov/ - Búgingi tańda Іshki ister mınıstrliginiń qyzmeti boıynsha zańsyz tekserister jıi jasalady. QR Bas prokýratýrasy Quqyqtyq statıstıka jáne arnaıy esepter komıtetiniń aǵymdaǵy jyldyń alty aıyn qorytyndylaýǵa arnalǵan alqa májilisinde osyndaı aqparat jarııalandy.
Komıtettiń bastamasymen júrgizilgen 3 myńǵa jýyq tekseristiń nátıjesinde 46 myńdaı zań buzýshylyqtar anyqtalyp, 4208 adam jaýapqa tartyldy. Olardyń ishinde sybaılas jemqorlyqqa qatysy bar 35 is bar. Jalpy, aǵymdaǵy jyldyń alty aıynda komıtet qyzmetkerleri zańsyz tekseris jasaýdyń 552 faktisin anyqtady. Esepke sáıkes búgingi tańda Іshki ister mınıstrliginiń qyzmeti boıynsha zańsyz tekserister jıi jasalady. Odan keıin Aýyl sharýashylyǵy mınıstrligi, sanıtarlyq-epıdemıologııalyq qadaǵalaý organdary jáne ákimdikter keledi.
