Іshki ister mınıstrliginiń kólikterge qatysty bazasynda 64 myń qate derek júr

NUR-SULTAN. QazAqparat - Іshki ister mınıstrliginiń kólik jelisi boıynsha 4,5 mln málimetiniń qate 933 myń málimeti jańartyldy. Bul týraly búgin Úkimet otyrysynda «Salyq jáne kedendik ákimshilendirý» taqyrybynda baıandama jasaǵan QR Premer-Mınıstriniń Birinshi orynbasary – Qarjy mınıstri Álıhan Smaıylov aıtty, dep habarlaıdy QazAqparat tilshisi.

«Salyq jáne kedendik ákimshilendirýdi tsıfrlandyrýdyń mańyzdy baǵyttarynyń biri - memlekettik organdardyń derekqorlaryn jańartý. Bul jumys jyl basynan beri belsendi túrde jasalýda. 25 mln-nan astam málimet óńdelip, 3,6 mln-nan astam qate málimetter jańartyldy», - dedi ol.

Mysaly, mınıstr dereginshe, Іshki ister mınıstrliginiń kólik jelisi boıynsha 4,5 mln málimetterdiń qate 933 myń málimeti jańartyldy jáne retke keltirildi.

«Qate jazbalardyń qalǵan 64 myń málimeti qysqa merzimde jańartylýy qajet. Sonymen qatar, keleshekte qaıtalanatyn qatelikterdi boldyrmaý úshin Іshki ister mınıstrligine qoldanystaǵy aqparattyq júıeni jetildirý jáne formattyq-logıkalyq baqylaýdy kúsheıtý qajet», - dedi Á.Smaıylov.