Іshki ister mınıstrliginiń 29 qyzmetkerine memlekettik nagrada tapsyryldy
Otan qorǵaýshy kúnin merekeleý qarsańynda el Prezıdentiniń Jarlyqtarymen 29 polıtseı, azamattyq qorǵaý qyzmetkerleri men Ulttyq ulannyń áskerı qyzmetshileri memlekettik nagradalarmen marapattaldy, al bes basshyǵa joǵary ofıtserlik ataq berildi.
Memleket basshysynyń atynan nagradalardy Іshki ister mınıstri Erlan Turǵymbaev tabys etti.
«Bul quqyqtyq tártipti, azamattardyń qaýipsizdigi men tynyshtyǵyn qamtamasyz etetin ishki ister organdarynyń barlyq júıesiniń jumysyna berilgen joǵary baǵa. Sonymen birge negizgi fýnktsııalarmen qatar bizge tótenshe jaǵdaı rejımin qamtamasyz etý boıynsha erekshe mindetter júkteldi. Sizder olardy laıyqty oryndap kelesizder», – dedi marapat alǵan qyzmetkerlerge mınıstr.
Ol kóptegen qyzmetkerler qazir uzaq ýaqyt boıy óz otbasylaryn kórmeı, dala jaǵdaıynda ómir súrip jatqanyn atap ótti.
«Bizdiń qyzmetkerler men áskerı qyzmetshilerimizdiń tabandylyǵy, tózimdiligimen qaısarlyǵy tek týǵan-týysqandarynda ǵana emes, elimizdiń turǵyndarynyń da maqtanysh sezimin týdyrady. Biz qoǵamnyń májbúrli shekteýlerge túsinistikpen qaraıtynyn jáne bizdiń jumysymyzdy ońbaǵalaıtynyn kórip otyrmyz», – dep atap ótti Erlan Turǵymbaev.
Іshki ister organdary men qutqarý qyzmetteriniń qyzmetkerleri ózderiniń qyzmettik jáne azamattyq boryshyn oryndaı otyryp, kóbinese ómirlerine qaýip tóngenine qaramastan, apattan qutqarady jáne ómirlik qıyn jaǵdaılarda kómek kórsetedi.
Marapattalǵandardyń arasynda adamdardy órtten qutqarǵan polıtsııa qyzmetkerleri bar. Olar – polıtsııanyń ýchaskelik ınspektorlary Erlan Jańabaev, Azamat Ótegenov, Erbol Amanbaev. Ýchaskelik ıspektorlar Qýandyq Súıindikov pen Tımýr Balmaǵambetov, anyqtaýshy Marat Nurymbetov muz astyna batyp bara jatqan balalardy qutqardy.
Aǵa ınspektor Erkebulan Sapanov kópirden sekirip ketken qyzǵa kómek kórsetti. Marapatalǵan polıtsııa bólimi basshysynyń orynbasary Qýanysh Shábdenov, órt sóndirý bólimshesiniń komandıri Sergeı Mazýr, órt sóndirýshiler Azamat Kópbosynov jáne Ydyrys Baqbergen, polıtseı júrgizýshi Saǵyndyq Jákenov ómirlerine qaýip tóngenine qaramastan, erlik jasady.
Qazaqstan Respýblıkasy Ulttyq ulany áskerı bóliminiń ofıtserleri Bolat Qulym men Bolat Rústemov asa qaýipti qylmyskerlerdi ustaý boıynsha arnaıy operatsııada batyl áreket etti.
Tergeýshi Sholpan Medenova júkti bolǵanyna qaramastan, kóshede baıqalǵan izdeýde júrgen kúdiktini ustap, krımınaldyq polıtsııa qyzmetkerlerine tapsyrdy. Memlekettik nagradalarmen ІІM-niń erekshe kózge túsken ózge de qyzmetkerleri marapattaldy.
«Bul marapattar – sizdiń kásibı eńbegińizdiń baǵasy ǵana emes. Bul-jaýapkershiliktiń jańa deńgeıi. Bizge el basshylyǵynyń joǵary senimin aqtaý úshin barlyq bilim men tájirıbemizdi jumsaýymyz kerek», – dep qortyndylady Іshki ister mınıstri.
