Іshki ister mınıstrligine qarasty kásiporyn basshysy paramen ustaldy

NUR-SULTAN. QazAqparat – Soltústik Qazaqstan oblysynda jemqorlyqpen kúres qyzmetkerleri QR Іshki ister mınıstrligine qarasty kásiporyn basshysyn paramen ustady, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Baspasóz qyzmetiniń málimetterine qaraǵanda, Soltústik Qazaqstan oblysy boıynsha Sybaılas jemqorlyqqa qarsy qyzmet QR ІІM Qylmystyq atqarý júıesi komıtetiniń «Eńbek» sharýashylyq júrgizý quqǵyndaǵy «Eńbek-Qyzyljar» respýblıkalyq memlekettik kásipornyn fılıalynda jemqorlyq faktisiniń jolyn kesti.

«2022 jylǵy 23 tamyzda memlekettik satyp alý týraly shart boıynsha sottalǵandar úshin azyq-túlikti qabyldaý-tapsyrý aktisine kedergisiz qol qoıǵany úshin osy mekemeniń basshysy jeke kásipkerden para alǵan kezde ustaldy. Kúdikti Petropavl qalasynyń ÝUI-ne qamaldy»,-delingen habarlamada.

Kinániń tolyq tanylýyn jáne sotqa deıingi jedeldetilgen tergep-tekserýdi júrgizý týraly kelip túsken ótinishhatty eskere otyryp, tergeý soty oǵan qatysty úıqamaq túrindegi bultartpaý sharasyn tańdady.

Kinálilik dárejesin sot anyqtaıdy.

Ózge aqparat tergeý múddesinde jarııa etýge jatpaıdy.