Іshki ister mınıstrliginde 1500-ge tarta basshylyq laýazym qysqartyldy
NUR-SULTAN. QazAqparat – Іshki ister mınıstrliginde 1500-ge tarta basshylyq laýazym shtaty qysqartyldy, dep habarlaıdy QazAqparat tilshisi.
«Іshki ister mınsıtrligindegi reformanyń birinshi baǵyty – osy ýaqytqa deıin aıtylǵandaı shtattyq sandy ońtaılandyrý. Biz myń jarymǵa tarta basshylyq laýazym shtatyn qysqarttyq. Shtat sanyn 11 paıyzǵa azaıttyq. Alaıda qysqartýǵa túsken adamdardyń barlyǵy jumyssyz qalǵan joq. Olar bári qyzmetterin jalǵastyryp jatyr», - dedi Іshki ister vıtse-mınıstri Alekseı Kalaıchıdı «Habar 24» arnasyna bergen suhbatynda.
Vıtse-mınıstrdiń aıtýynsha, shtatty qysqartýdan túsken aqsha basqa quqyq qorǵaýshylardyń aılyǵyn kóterýge jumsalǵan.
«Quqyq qorǵaýshylardyń aılyǵy 20-65 paıyz aralyǵynda ósti. Sonymen birge, quqyq qorǵaýshylardy oqytyp shyǵaratyn 12 Joǵary oqý ornynyń úzdik degen beseýin qaldyrdyq. Polıtsııa qyzmetkerleri budan bylaı tek JOO-larda ǵana daıyndalady», - dedi ol.
