Іshki ister mınıstrligi Zoom arqyly onlaın qabyldaý ótkizedi
NUR-SULTAN. QazAqparat – 26 qarasha kúni QR Іshki ister mınıstrligi, aýmaqtyq organdar men ishki ister bólimsheleri jáne qylmystyq-atqarý júıesi departamentteri alǵash ret ZOOM platformasy arqyly azamattardy biryńǵaı qabyldaý kúnin ótkizedi, dep habarlaıdy QazAqparat tilshisi.
«QR Іshki ister mınıstri Erlan Turǵymbaevtyń tapsyrmasymen ІІM, aýmaqtyq organdar men ishki ister bólimsheleri jáne qylmystyq-atqarý júıesi departamentteri 26 qarashada alǵash ret ZOOM ınternet platformasy arqyly azamattardy biryńǵaı qabyldaý kúnin ótkizedi. Sharanyń negizgi maqsaty – halyqpen keri baılanysty qamtamasyz etý, olardyń problemalyq máselelerin sheshý, sondaı-aq «halyq únine qulaq asatyn memleket» tujyrymdamasyn iske asyrýǵa baǵyttalǵan senim deńgeıin arttyrý», - dedi QR Іshki ister mınıstrliginiń resmı ókili Nurdildá Oraz mınıstrlikte ótken onlaın brıfıngte .
ZOOM platformasynda mınıstr men onyń orynbasarlary úshin aýmaqtyq departamentter basshylyǵy qosylatyn jeke baılanys arnalary iske qosylady. Tirkelgen azamattar men sharanyń basqa da qatysýshylaryna konferentsııa ıdentıfıkatorlary, qosylý ádisteri men qupııasózder aldyn ala jiberiledi.
Qabyldaý ýaqyty:
- ІІM basshylyǵy – saǵat 10.00-den 13.00-ge deıin.
- aýmaqtyq ishki ister organdary men bólimsheleriniń jáne qylmystyq-atqarý júıesiniń basshylary – saǵat 15.00-den 18.00-ge deıin.
Mınıstrdiń, polıtsııa jáne qylmystyq-atqarý júıesi departamentteri basshylarynyń qabyldaýyna jazylý úshin 23-25 qarasha aralyǵynda ІІM portalyndaǵy, mınıstrliktiń áleýmettik jeli paraqshalaryndaǵy jáne Polisia.kz saıtyndaǵy telefondarǵa, elektrondyq poshta men WhatsApp-nómirlerine habarlasý qajet.
