Іshki ister mınıstrligi jyl basynan beri 108 qylmysty anyqtap, is qozǵady - A.Baımýrzın
ALMATY. Sáýirdiń 29-i. QazAqparat / Ádilet Musahaev / - Іshki ister mınıstrligi adam saýdasy faktilerin jáne adam trafıgine qosa júretin qylmystardy anyqtap, onyń jolyn kesý men eskertý baǵytynda udaıy jumys isteýde. Bul jaıynda QR ІІM Krımınaldy polıtsııa komıteti UQKB bastyǵy Armanbek Baımýrzın «Balalar saýdasyna qarsy is-qımyl tetikteri» atty semınar-keńeste aıtty,
dep habarlaıdy QazAqparat.
A.Baımýrzınniń aıtýynsha, aǵymdaǵy jyldyń birinshi toqsanynda adam saýdasyna baılanysty 10 qylmystyq is, kámeletke tolmaǵandardy saýdalaǵan -4, adam urlaǵan -3, paıdalaný maqsatynda bas bostandyǵynan aıyrǵan -3, jezókshelikke tartaqany úshin -2 jáne jezókshelikpen aınalysýǵa prıtondar uıymdastyrǵany jáne jeńgetaılyǵy úshin 86 qylmystyq is qozǵalǵan.
«Toqsan saıyn adam trafıgi faktilerin eskertý jáne ashý maqsatynda respýblıka aýmaǵynda «STOP trafık» jedel aldyn alý is-sharalary ótkizildi. 2010 jyly BAQ-ta «STOP trafık» JAAІSh barysy men nátıjeleri týraly 316 materıal jáne 56 beınesıýjet jarııalandy. Sondaı-aq adam saýdasynyń qurbandaryna zańgerlik, medıtsınalyq jáne psıhologııalyq jaǵynan kómek kórsetý úshin elimizdiń barlyq óńirlerinde «11616» senim telefonyna tegin qosylý jáne onyń respýblıka aýmaǵynda jumys isteýi týraly másele pysyqtaldy», deıdi A.Baımýrzın.
Sondaı-aq ol jańa týǵan nárestelerdiń de saýdalaný oqıǵasynyń kezdesetinin aıtady. «2009 jyly Aqmola, Atyraý, Ońtústik Qazaqstan oblystarynda sábılerdi satý qylmysy oryn alyp, qylmyskerler 5-ten 8-ǵa deıin bas bostandyqtarynan aıyryldy», deıdi Armanbek Baımýrzın.
