Іshki ister mınıstrligi júrgizýshilerge eskertý jasady
NUR-SULTAN. QazAqparat - Іshki ister mınıstrligi aýa raıy kúrt ózgergen qazirgi jaǵdaıda júrgizýshilerdi abaı bolýǵa shaqyrdy, dep habarlaıdy Qazaqparat tilshisi QazAqparat.
«Aýa raıy buzylǵan qazirgideı jaǵdaıda kólik júrgizýshileri barynsha saq bolýy kerek. Qys bastalǵanda tirkeletin jol-kólik oqıǵalarynyń basty sebebi júrgizýshilerdiń jyldamdyq rejımin, kólik quraldary arasyndaǵy qashyqtyqty saqtamaýy saldarynan bolady», - dep eskertedi mınıstrlik ókilderi.
Qys kezinde júrgizýshiler jolda barynsha saq bolyp, dóńgelekterin ýaqtyly aýystyrýy tıis.
Sonymen qatar, tártip saqshylary birqatar óńirlerdiń turǵyndaryn jolǵa shyqpaýǵa jáne aýa raıy men joldardyń jaı-kúıi týraly habarlamalardy eskerýge keńes beredi. Máselen, Aqmola, Soltústik Qazaqstan, Qostanaı, Shyǵys Qazaqstan, Aqtóbe jáne Qaraǵandy oblystarynda aýa temperatýrasy tómendeıdi. Túnde bul óńirlerde -10 gradýs aıaz, keıbir jerde burqasyn bolady. Birqatar óńirlerde tuman, kóktaıǵaq bolyp, jel kúsheıýi múmkin.
ІІM júrgizýshilerdi jaıaý júrginshilerdi kórgen kezde erekshe saq bolýǵa shaqyrady. Jolda qıyn jaǵdaıǵa tap bolǵan jol qozǵalysynyń barlyq qatysýshylary táýlik boıy ishki ister organdarynyń bólimshelerine júgine alady.
Bıyl qarasha aıynan bastap elde 352 jol-kólik oqıǵasy tirkelip, 80 adam kóz jumǵan. 395 adam túrli dárejedegi jaraqat alǵan.
