Іshki ister mınıstrligi janyndaǵy qoǵamdyq keńestiń quramy jańadan qalyptasady

NUR-SULTAN. QazAqparat - «Qoǵamdyq keńester týraly» QR zańyna sáıkes Іshki ister mınıstrligi janynan ishki ister organdary qyzmetiniń máseleleri jónindegi qoǵamdyq keńestiń jańa quramyn qalyptastyrý boıynsha jumys toby qurylady, dep habarlaıdy QazAqparat.

Osyǵan baılanysty kommertsııalyq emes uıymdar men azamattardyń usynystary negizinde ІІM jumys tobynyń múshelerin azamattyq qoǵamnan saılaý týraly konkýrs jarııalanady.

Jumys tobynyń quramy 9 músheden turady: kommertsııalyq emes uıymdar men azamattardan – 6 adam jáne ІІM-nen – 3 adam.

Qoǵamdyq keńesti qalyptastyrý jónindegi jumys tobynyń múshesi qoǵamdyq keńes músheligine saılaý úshin konkýrsqa jiberilmeıdi (AQDM-niń 2021 jylǵy 26 aqpandaǵy № 69 buıryǵymen bekitilgen qoǵamdyq keńes týraly úlgilik erejeniń 9-tarmaǵy).

Sonymen qatar, baıqaýshylar tizimin qalyptastyrý boıynsha da jumystar júrgizilýde.

Jumys tobyna jáne baıqaýshylar quramyna usynylǵan kandıdatýra jaıly málimetti habarlandyrý jarııalanǵannan keıin 5 kún merzimde myna mekenjaıǵa: ındeks 010000, Nur-Sultan qalasy, Táýelsizdik dańǵyly, 1, Qazaqstan Respýblıkasy Іshki ister mınıstrligi nemese [e-mail] elektrondy poshtasyna jiberý qajet (Baılanys telefondary 8 7172 72 26 69, 8 7172 72 20 25).

Ótinish úlgileri ІІM resmı saıtynda jarııalanǵan.