Іshki ister mınıstrligi janynan qoǵamdyq keńester men qoǵamdyq baqylaý komıssııalary qurylady
ASTANA. 13 aqpan. QazAqparat - Іshki ister mınıstrligi janynan qoǵamdyq keńester men qoǵamdyq baqylaý komıssııalary qurylady Búgin Májiliste «Qazaqstan Respýblıkasynyń ishki ister organdary týraly» zań jobasynyń tanystyrylymy barysynda Іshki ister mınıstriniń orynbasary Erlik Kenenbaev osylaı málim etti.
«Zań jobasynda ishki ister organdarynyń taǵaıyndalýyn aıqyndaıtyn normalar alǵash ret qarastyrylyp otyr. Atap aıtqanda, olardyń qyzmeti Qazaqstan halqyna qyzmet etip, zańdy jáne jeke tulǵalardyń quqyqtaryn qorǵaýǵa, bostandyqtaryn qamtamasyz etip, zańdy múddelerin qorǵaýǵa negizdeledi», - dedi mınıstr orynbasary. Budan bólek, zań jobasymen adam men azamattyń quqyn qorǵaý jáne syılaý, ashyqtyq jáne jarııalylyq máseleleri, sondaı-aq azamattyq qoǵam ınstıtýttarymen ózara baılanys jumystary qarastyrylǵan.
