Іshki ister mınıstrligi zańsyz saqtalǵan atys qarýlaryn, oq-dárilerdi, jarylǵysh zattardy halyqtan satyp alý aktsııasyn ótkizedi

Bul týraly búgin elordada QR ІІM-niń resmı ókili Nurdildá Oraz málim etti.

Atalmysh shara 2012 jylǵy 1 aqpan - 31 naýryz aralyǵynda ótpek.

«Tirkelmegen atys qarýlaryn, oq-dárilerdi, jarylǵysh zattardy erikti túrde tapsyrǵan tulǵalar qylmystyq jáne ákimshilik jaýapkershilikten bosatylady. Qarý-jaraq quraldaryn erikti tapsyrǵany úshin memleketpen tólenetin tólem kólemi ár qarý birligi úshin onnan bastap júz eselik aılyq eseptik kórsetkishke deıin kózdelgen», - deıdi resmı ókil.

Atys qarýlaryn, oq-dárini jáne jarylǵysh zattardy qabyldaý ishki ister organdarynyń árbir aýmaqtyq bólimshelerinde júrgiziledi.

Іshki ister mınıstrligi 2008 jyly osyǵan uqsas aktsııa ótkizgen bolatyn. Onyń barysynda 14 myńnan astam zańsyz qarý alyndy.