Іshki ister mınıstrligi úsh kezeńdik «Ózimdi tanystyrýǵa ruqsat etińiz» atty sharasyn aıaqtady
ASTANA. Maýsymnyń 16-sy. QazAqparat /Aıdar Ospanalıev/ - Іshki ister mınıstrligi úsh kezeńdik «Ózimdi tanystyrýǵa ruqsat etińiz» atty sharany aıaqtady,
dep habarlaıdy QazAqparat.
Esterińizge sala keteıik, atalmysh shara jurtshylyqtyń quqyq qorǵaý organy ókilderine degen senimderin arttyrý maqsatynda qolǵa alynǵan bolatyn. Sharanyń 1-shi kezeńinde, ıaǵnı mamyrdyń 1-i men
10-y aralyǵynda eldegi qylmystyq ahýaldy taldaý negizinde turǵyndarmen kezdesetin oryndar naqtylandy. Ekinshi kezeńde, ıaǵnı mamyrdyń 11-i men maýsymnyń 5-i aralyǵynda quqyqbuzýshylardy anyqtaý maqsatynda tártip saqshylary úılerdi aralap, aqparat quraldarynda kezdesý ótkiziletin jerler men onyń ýaqyty jóninde aqparattar taratty.
Ekinshi kezeńde atqarylǵan jumystardyń nátıjesinde ýchaskelik ınspektorlar 1,5 mıllıonnan astam páterler men 1,3 mıllıon úılerdi aralady. Sóıtip, 23 myńnan astam quqyqbuzýshylardy anyqtady. Olardyń myńnan astamy otbasylyq-turmystyq jaǵdaıda quqyq buzsa, 1 myńnan astamy usaq buzaqylyq áreketter jasaǵan. Al 1,5 myń adam qoǵamdyq oryndarda spırtti ishimdikter ishken. Úshinshi kezeńniń nátıjeleri boıynsha Іshki ister departamentteri men ishki ister basqarmasynyń basshylary jáne ýchaskelik ınspektorlar turǵyndarmen 900-den astam kezdesýler ótkizip, oǵan 150 myńnan astam azamattar qamtylǵan.
