Іshki ister mınıstrligi urlyq qylmysynyń ashylýyn 35 paıyzǵa deıin arttyrýǵa kúsh salmaq
ASTANA. 13 aqpan. QazAqparat - Іshki ister mınıstrligi elimizde oryn alatyn urlyq qylmysynyń ashylýyn 35 paıyzǵa deıin arttyrýǵa kúsh salmaq. Bul týraly búgin Májiliste «Іshki ister organdary» týraly zań jobasynyń jańa redaktsııasymen tanystyrý barysynda ІІM orynbasary Erlik Kenenbaev málim etti.
«Biz óz qyzmetkerlerimizden ońaılatylǵan óndirispen aınalysýdy talap etetin bolamyz. ıAǵnı, eń aldymen negizinen urlyqqa qatysty qylmystardy ashýǵa kúsh salamyz. Statıstıkaǵa súıensek, eger 2010 jyly ortasha aýyrlyqtaǵy qylmystardy, negizinen urlyqqa qatysty qylmysty ashý kórsetkishi 16 paıyz bolsa, onda 2012 jyly biz bul kórsetkishti 24 paıyzǵa jetkizdik», - deıdi E.Kenenbaev.
Onyń aıtýynsha, eger saraptamalardy shapshań júrgizý máselesi sheshimin taýyp jatsa onda urlyqtardyń ashylý kórsetkishi de joǵarylaı túsedi. Toqtala ketetin jaıt, búgingi tańda saraptamalar jasaýǵa 30 kúndeı ýaqyt ketedi.
