Іshki ister mınıstrligi sottalǵandardyń saqal qoıýlaryna qarsy
ASTANA. QazAqparat - Іshki ister mınıstrligi sottalǵandardyń saqal qoıýyna qarsy. Bul týraly búgin Májilistiń Zańnama jáne sot-quqyqtyq reformalar komıtetiniń keńeıtilgen otyrysy barysynda málim boldy. Onda Qylmystyq-atqarý kodeksiniń jobasy talqylanǵan bolatyn. Eske sala keteıik, kodeks jobasy buǵan deıin birinshi oqylymda Májiliste maquldanǵan edi.
Toqtala ketetin jaıt, sottalǵandardyń júris-turysyna, tártibine qatysty erejeni Іshki ister mınıstrligi usynyp otyr. Onyń ishinde saqal qoıýǵa qatysty másele bar ekeni de belgili boldy. Degenmen, depýtattardyń bári birdeı mundaı usynysty qoldamaıdy. «Kodeks jobasynyń úkimettik normasynda sottalǵandardyń mindetteri men olarǵa qatysty jasalǵan tyıymdar bar. Onda bári naqty jazylǵan. Bizdiń oıymyzsha, kodeks normasynda sottalǵandardyń syrtqy túrlerine qatysty naqtylaýlar bolmaýy kerek, olar negizinen zańǵa táýeldi aktilermen rettelse de bolady», - deıdi depýtat Svetlana Bychkova.
Al mundaı normany engizip otyrǵan Іshki ister mınıstrliginiń ustanymy boıynsha túrme - bul jabyq mekeme, endeshe onda tártip bolýy tıis, sondyqtan da tártipke baǵynbaǵandarǵa jaza qoldanylady. «Sottalǵandar úshin belgili bir tártip pen soǵan laıyqty shekteýler bolýy kerek. Túrme - azamattyq qoǵam emes», - deıdi ІІM qylmystyq-atqarý júıesi komıtetiniń tóraǵasy Meıram Aıýbaev.
