Іshki ister mınıstrligi pırotehnıkalyq buıymdardyń qaýipti ekenin eskertti
NUR-SULTAN. QazAqparat – QR Іshki ister mınıstrligi jańa jyl qarsańynda pırotehnıkany qoldaný qaýpi týraly eskertý jasady, dep habarlaıdy QazAqparat tilshisi.
«Qurmetti turǵyndar, alda jańajyldyq mereke kele jatyr jáne kóńil-kúı kóterý úshin dástúrli shyrsha men qydyrýdan bólek pırotehnıkany qoldanatyndar bar. Qazirdiń ózinde saýda sóreleri pırotehnıkaǵa toldy. Kez kelgen pırotehnıkalyq buıymda janý nemese jaraqat alý yqtımaldyǵy bolady», - dedi QR Іshki ister mınıstrliginiń resmı ókili Nurdildá Oraz mınıstrlikte ótken onlaın brıfıngte.
Osyǵan baılanysty, pırotehnıkalyq buıymdardy zańsyz ákelý, saqtaý, satý jáne paıdalanýdyń jolyn kesý úshin 2021 jylǵy 15 jeltoqsannan 10 qańtarǵa deıin polıtsııa bólimsheleri azamattyq qorǵaý organdarymen birlesip «Pırotehnıka» jedel aldyn alý sharasyn ótkizedi. Arnaıy toptar pırotehnıkalyq buıymdardy saqtaý, esepke alý, tasymaldaý, tártibin tekseredi.
