Іshki ister mınıstrligi mamyrdyń 1-inen bastap «Ózimdi tanystyrýǵa ruqsat etińiz» atty kezeńdik sharany bastady
ASTANA. Mamyrdyń 5-i. QazAqparat /Aıdar Ospanalıev/ -Іshki ister mınıstrligi quqyq buzýshylyqtardyń aldyn alý men osy baǵyttaǵy jumystar boıynsha turǵyndarmen baılanysty jetildirý maqsatynda mamyrdyń 1-inen bastap «Ózimdi tanystyrýǵa ruqsat etińiz» atty kezeńdik shara uıymdastyrýda,
dep habarlaıdy QazAqparat.
Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanovtyń aıtýynsha, atalmysh sharanyń alǵashqy kezeńinde Іshki ister departamenti basshylary men qalalyq jáne aýdandyq polıtsııa bólimi jetekshileriniń kezdesetin oryndary anyqtalady. Ekinshi kezeńde quqyq buzýshylardy anyqtaý men turǵyndardyń polıtsııa basshylarymen kezdesetin oryndardyń ornalasqan jerlerinen habardar etý maqsatynda tártip saqshylary turǵyn úılerdi aralaıdy. Al maýsymnyń 6-nan bastap, polıtsııa basshylarynyń turǵyndarmen kezdesýleri ótedi. Onda eldegi problemaly shaǵyn aýdandar men ákimshilik ýchaskelerdegi quqyq buzýshylyqpen baılanysty jaǵdaılar turǵyndarmen birge talqylanyp, ondaǵy jaǵdaı jan-jaqty zerttelip-zerdelenetin bolady.
