Іshki ister mınıstrligi kóshi-qon salasy boıynsha 23 halyqaralyq kelisimge qol qoıdy

NUR-SULTAN. QazAqparat - QR ishki ister mınıstrligi ótkizgen tikeleı efırde QR Parlamenti Májilisiniń jalpy otyrysynda Іshki ister mınıstri Erlan Turǵymbaev depýtattardyń nazaryna «Qazaqstan men Ázerbaıjan arasyndaǵy kóshi-qon salasyndaǵy yntymaqtastyq týraly kelisimdi ratıfıkatsııalaý týraly» zań jobasyn usynǵany týraly aıtyldy, dep habarlaıdy QazAqparat tilshisi.

«Bul zań jobasy eki eldiń bir-birimen statıstıkalyq derekter men aqparat almasýyna, zańsyz kóshi-qon máselelerin sheshýge, qos azamattyqpen kúresýge, tájirıbe bólisip, jumysta praktıkalyq kómek kórsetýge múmkindik beredi. Sondaı-aq, Qazaqstan men Ázerbaıjan azamattarynyń quqyqtyq mártebesi anyqtaýdy qarastyrady», - deıdi QR ІІM resmı ókili Nurdildá Oraz.

Erlan Turǵymbaev qazirgi tańda Qazaqstan men Ázerbaıjan arasyndaǵy yntymaqtastyqtyń artqanyn, 2018 jyly jyly Qazaqstanǵa Ázerbaıjannan 50 myńǵa jýyq azamat, 2019 jyly – 48 myńnan astam azamat kelgenin, al Qazaqstannan Ázerbaıjanǵa 2018 jyly 28 myń, 2019 jyly 29 myń azamat barǵanyn jáne bul sannyń sońǵy ýaqytta azaıýýyna tek pandemııa áser etkenin atap ótken.

«Sondyqtan eki el arasyndaǵy kóshi-qon máseleleri boıynsha yntymaqtastyqtyń áleýeti joǵary. Búgingi tańda, Іshki ister mınıstrligi budan basqa kóshi-qon salasy boıynsha 23 halyqaralyq kelisimge qol qoıǵan. Halyqaralyq deńgeıde taǵy 8 kelisim daıyndalýda», - deıdi ol.