Іshki ister mınıstrligi qajetsiz jınalystardy azaıtty – Alekseı Kalaıchıdı
NUR-SULTAN. QazAqparat – QR Іshki ister vıtse-mınıstri Alekseı Kalaıchıdı qaǵazbastylyqtan arylý úshin vedomstvoda atqarylyp jatqan sharalar jóninde baıandady, dep habarlaıdy QazAqparat tilshisi.
«Qańtar-aqpan aılarynda Ulttyq ekonomıka, Qarjy mınıstrlikteriniń usynysymen mańyzdy fýnktsıonaldyq taldaý júrgizdik. Nátıjesinde bizdiń qurylymda esep berýdiń, qajetsiz jınalystardyń tym kóp ekenin, sol úshin qyzmetkerlerdiń kúnde 2-3 saǵat joǵaltatyn anyqtadyq. Onyń saldarynan, azamattarymyz der kezinde sapaly qyzmet almaıdy, qajetti mamanǵa júgine almaıdy», - dep atap ótti vıtse-mınıstr «Habar 24» arnasyna bergen suhbatynda.
Onyń aıtýynsha, vedomstvodaǵy esep berý jumystary úsh esege qysqartyldy.
«Vedomstvolyq esep berýdi 105-ten 35-ke deıin qysqarttyq. Jınalystar tek dúısenbi kúni ǵana ótetin boldy jáne onyń uzaqtyǵy 1 saǵattan aspaýy tıis. Bul qyzmetkerlerdi bıýrokratııadan qutqaryp, óz qaramaǵyndaǵy qyzmetke tolyq kirisýine múmkindik beredi», - dedi A. Kalaıchıdı.
Buǵan deıin A. Kalaıchıdı Іshki ister mınıstrliginde 1500-ge tarta basshylyq laýazym shtaty qysqartylǵanyn habarlaǵan bolatyn.
Sonymen birge, mınıstrlik zeınetke shyqqan polıtseıler qyzmettik baspanany ózine qaldyrýy úshin zańnamalyq túzetý ázirledi.
