Іshki ister mınıstrligi Qazaqstan joldaryndaǵy jaǵdaı týraly aıtty
NUR-SULTAN. QazAqparat - Qazaqstan avtojoldarynyń 44 ýchaskesi boran saldarynan 418 ret jabyldy. Bul jaıynda QR Іshki ister mınıstriniń orynbasary ıÝrıı Ilın aıtty, dep habarlaıdy QazAqparat tilshisi.
«20 qańtardan bastap aýa raıynyń qolaısyzdyǵyna baılanysty Qazaqstan óńirleriniń basym bóliginde avtomobıl joldarynyń 44 ýchaskesi 418 ret jabyldy. Barlyq ýchaskede blok-beketter qoıyldy. Sol jerge kelgen turǵyndarǵa aýa raıynyń qolaısyzdyǵyna baılanysty jol jabylǵany týraly aqparat der ýaqytynda berilip turdy. Kópshiligi eldi mekenderge qaıtýǵa sheshim qabyldasa, keıbiri jolda qalyp, aýa raıynyń jaqsarýyn, jol tazalanýyn kútýde. Jylyný beketterine 1,5 myńnan astam adam ornalastyrylǵan. Nur-Sultan qalasynda, Aqmola, Aqtóbe, Qaraǵandy jáne Pavlodar oblystaryndaǵy mundaı oryndarda adamdar áli bar. Jol boıynda jeńil, júk kóligi, avtobýs syndy 2 930-dan astam kólik quraly boldy. Birqatar óńirde, onyń ishinde Nur-Sultan qalasynda tótenshe jaǵdaı jarııalandy. Elordada ol áli de saqtalýda», -dedi ıÝ.Ilın.
Onyń dereginshe, Aqmola oblysynyń Ereımentaý aýdanynda 100-den astam kólik quraly qar qursaýynda qalyp qoıdy. Degenmen, keshe bul kólikter Novo-Markovka eldi mekenine jetkizilgen. Al búgin Tótenshe jaǵdaılar komıtetiniń jol tehnıkalarynyń kómegimen elordaǵa jetti.
«Qazirgi ýaqytta Pavlodar baǵytynda júrýi tıis shamamen 110 úlken júk kóligi Nur-Sultanda tur. Búgin túni boıy «QazAvtoJol» joldy tazalaǵannan keıin bul kólikter Pavlodar oblysyna attanady», - dedi ol.
Vıtse-mınıstrdiń aıtýynsha, Nur-Sultannan Býrabaı baǵytynda da 400-den astam kólik jolda qalyp otyr. Nur-Sultan-Atbasar jolyndaǵy jaǵdaı da kúrdeli.
Atbasar aýdanynda 400-den astam kólik jınalyp qalǵan. Joldy qardan tazalaý jumystary júrgizilip jatyr.
Búgin joldyń bir jaq baǵytynda qozǵalys ashylyp, kólikter elordaǵa qaraı jyljıtyn bolady. Jalpy jol 30 qańtar kúni tolyq ashylmaq.
