Іshki ister mınıstrligi qaraǵandylyqtardan keshirim surady
ASTANA. QazAqparat - Qaraǵandy turǵyndarynyń boryshkerler tizimine enýine Іshki ister mınıstrliginiń qatysy joq. Bul týraly atalǵan vedomstvonyń resmı ókili Almas Sadýbaev aıtty, dep habarlaıdy QazAqparat tilshisi.
Іshki ister mınıstrliginiń málimetter bazasynda eshqandaı da irkilis bolǵan joq. Qaraǵandy turǵyndaryna qatysty teris málimettermen baılanysty problemany Qarjy mınıstrligi sheship jatyr. Atalǵan problema barlyq memlekettik organdar men uıymdardyń etalony sanalatyn Ádilet mınıstrligi bazasy men salyq organdarynyń aqparattyq júıesiniń ózara áreketterindegi kemshilikterden týyndaǵan. Keltirilgen qolaısyzdyqtar úshin azamattardan keshirim suraımyz», - dedi Almas Sadýbaev.
Aıta keteıik, elimizdiń birqatar aqparat quraly Іshki ister mınıstrliginiń málimetter bazasyndaǵy irkilisterdiń saldarynan myńdaǵan qaraǵandylyq boryshkerler tizimine ilikkenin habarlaǵan bolatyn.
