Іshki ister mınıstrligi kámeletke tolmaǵandarǵa qatysty ákimshilik jaýapkershilikti arttyrýdy kózdep otyr

Bul týraly búgin jýrnalıstermen bolǵan brıfıngte Іshki ister mınıstrliginiń Ákimshilik polıtsııa komıtetiniń tóraǵasy Murat Qabdenov málim etti, dep habarlaıdy QazAqparat.

Onyń derekterine qaraǵanda, qazirgi ýaqytta Parlament Májilisinde qoǵamdyq qaýipsizdikti qamtamasyz etýge qatysty zań jobasy qaralýda. Atalmysh qujat kámeletke tolmaǵan jasóspirimderdiń eresek týystarynsyz túngi 11-00-den tańǵy 6-00-ge deıin úıden tys jerlerde júrýlerine tyıym salady. «Sonymen qatar Májiliste «Qazaqstan Respýblıkasynyń keıbir zańnamalyq aktilerine balalardyń quqyqtaryn qamtamasyz etý máseleleri boıynsha ózgerister men tolyqtyrýlar engizý týraly» zań jobasy qaralýda. Bul qujat kámeletke tolmaǵandarǵa qatysty qylmystyq saıasatty izgilendirýdi qarastyrady», dedi komıtet tóraǵasy.

Onyń aıtýynsha, bıylǵy jyldyń mamyr aıynda jaz mezgilinde kámeletke tolmaǵandardyń arasyndaǵy quqyqbuzýshylyqtyń aldyn alý maqsatynda mektep ınspektorlarynyń qyzmetine qatysty dóńgelek ústel otyrysy ótti. Oǵan Bilim jáne ǵylym, Sport jáne týrızm mınıstrlikteri men Qazaqstandaǵy «Daǵdarys ortalyqtarynyń odaǵy» zańdy tulǵalar uıymy men «Jas Otan» jastar qanaty uıymynyń ókilderi qatysty. Otyrystyń qorytyndysy boıynsha Іshki ister mınıstrligi men Bilim jáne ǵylym mınıstrligi birlesip jazǵy demalys kezinde kámeletke tolmaǵandardyń arasyndaǵy qylmystyq áreketterdi saýyqtyrýǵa baǵyttalǵan Іs-sharalar josparyn bekitti. Oǵan sáıkes, aldaǵy ýaqytta jergilikti organdar arqyly balalarǵa jazǵy demalys oryndary men lagerlerge joldama berilip, Іshki ister mınıstrliginde esepte turǵan jáne jaısyz otbasynyń balalaryn jumyspen qamtý sharalary qarastyrylady.

Komıtet tóraǵasy keltirgen málimetter boıynsha, sońǵy 5 jylda kámeletke tolmaǵandar arasyndaǵy qylmystar sany jyl saıyn 6-7 paıyzǵa kemip otyr. Mysaly 2004 jyly balalardyń qatysýymen 6 myń 500 qylmys tirkelse, 2009 jyly atalmysh kórsetkish 4 myń 700-di qurap, qylmys 27 paıyzǵa kemigen. Al bıylǵy jyldyń sáıkes merzimimen salystyrǵanda, jasóspirimder qylmysy 14,8 paıyzǵa azaıyp otyr.