Іshki ister mınıstrligi kámeletke tolmaǵan jasóspirimdi qylmystyq áreketterge tartqandarǵa salynatyn sanktsııany qataıtýdy kózdep otyr
ASTANA. Sáýirdiń 16-sy. QazAqparat /Aıdar Ospanalıev/ - Іshki ister mınıstrligi kámeletke tolmaǵan jasóspirimdi qylmystyq áreketterge tartqandarǵa salynatyn sanktsııany qataıtýdy kózdep otyr. Bul málimetterdi búgin Qazaqstan Respýblıkasynyń quqyq qorǵaý organdarynyń úılestirý keńesiniń kezekti otyrysynda Іshki ister mınıstrliginiń Ákimshilik polıtsııa komıtetiniń tóraǵasy Murat Qabdenov málim etti,
dep habarlaıdy QazAqparat.
Onyń sózine qaraǵanda, atalmysh máseleni qarastyratyn zań jobasy aǵymdaǵy jyldyń naýryz aıynda Májiliste talqylanyp, birinshi oqylymda maquldanǵan. «Sondaı-aq osy ýaqytta Parlament Májilisinde «Qazaqstan Respýblıkasynyń keıbir zańnamalyq aktilerine qoǵamdyq qaýipsizdik máseleleri boıynsha tolyqtyrýlar men ózgerister engizý týraly» zań jobasy qaralýda. Onyń talaptary boıynsha, jasóspirimderge turǵyn úıge jatpaıtyn nysandarda, qasynda eresek adamdar bolmaǵan jaǵdaıda túngi 23-00-den tańǵy 6-00-ge deıin júrýilerine tyıym salynady», dedi komıtet tóraǵasy.
