Іshki ister mınıstrligi «Garant 24 Lombard» isine qatysty mán-jaıdy aıtty
NUR-SULTAN. QazAqparat – ІІM Tergeý departamentiniń basshysy Sanjar Ádilov «Garant 24 Lombard» qarjy pıramıdasy isine qatysty mán-jaıdy aıtty, dep habarlaıdy QazAqparat tilshisi.
«Garant 24 Lombard» qarjy pıramıdasyn uıymdastyrýshylarǵa qatysty qylmystyq is aıaqtaldy. Osy is boıynsha 18 myńnan astam adam shaǵymdandy, keltirilgen shyǵynnyń jalpy somasy 22 mlrd teńgeden astam. Qylmystyq isti tergeý úshin Іshki ister mınıstrliginiń arnaıy jedel toby quryldy, oǵan 150-den astam qyzmetker endi», - dedi S. Ádilov mınıstrlik uıymdastyrǵan onlaın brıfıngide.
Onyń aıtýynsha, is boıynsha qylmystyq árekettiń 33 epızody tirkeldi. Qazirgi kezde qylmystyq jaýapkershilikke 56 adam tartylýda. Bes adamǵa qatysty izdeý jarııalandy.«Mınıstrlik tarapynan jedel izdestirý sharalary iske asyryldy. Іzdestirilgen adamdardyń kóbisi Qazaqstan aýmaǵynan tys jerde anyqtalyp, ustaldy. Moldova, Qyrǵyzstan jáne Túrkııaǵa saparlar jasalyp, osy elderden izdeýdegi adamdar jetkizildi. Kúdiktilerden 70 mln teńgeden astam qarjy, qylmystyq áreketteri kezinde satyp alynǵan túrli múlik nysandary alyndy», - dedi departament basshysy.
Osy oraıda 15 avtomobıl, eki júk kóligi, eki avtokran, 29 páter men jeke turǵyn úı, úsh jer telimi, bes avtoturaq orny, bir dámhana-bılıard kesheni qamtyldy.
Kúdiktilerdiń arestke qoıylǵan múlkiniń jalpy quny 22 mlrd teńgeden astam somaǵa baǵalanǵan.
«Tergeý amaldary barysynda tórt úıge, 140 páterge, 1572 avtomashınaǵa qatysty arestke qoıý shararasy qabyldandy. Kompanııanyń barlyq keńselerinde tekserý júrgizilip, zattaı aıǵaqtar alyndy. Qazirgi kezde barlyq kúdiktilerge qatysty tergeý aıaqtaldy. Zardap shekkender men kúdiktiler qylmystyq isterdiń materıaldarymen tanysýǵa kiristi», - dedi S. Ádilov.
