Іshki ister mınıstrligi el azamattaryn alys jolǵa shyqpaýǵa shaqyrdy
NUR-SULTAN. QazAqparat – QR Іshki ister mınıstrligi aýa raıynyń qolaısyzdyǵyna baılanysty el azamattaryn alys jolǵa shyqpaýǵa shaqyrdy, dep habarlaıdy QazAqparat tilshisi.
«Birqatar óńirde aýa raıynyń qolaısyzdyǵyna, qalyń qar jaýýyna baılanysty elimizdiń joldarynda, ásirese qala syrtyndaǵy tas joldarda qaýip paıda bolýy múmkin. Mamandar júrgizýshilerge osy kúnderi, jel turyp, boran soǵyp, kóktaıǵaq bolǵan kezde alys saparǵa shyqpaýǵa keńes beredi. Jolda barynsha abaı bolý qajet. Jyldamdyq rejımi men araqashyqtyq saqtaý kerek. Ásirese, balalar oqý mekemeleri, qoǵamdyq kólik aıaldamalary men jaıaý júrgishiler jolaǵy tusynda abaı bolǵan jón», - QR Іshki ister mınıstrliginiń resmı ókili Nurdildá Oraz.
Onyń dereginshe, ótken demalys kúnderi elimizdiń aýmaǵynda 27 jol-kólik oqıǵasy tirkeldi. Sonyń saldarynan 5 adam qaza taýyp, 22 adam túrlidene jaraqatyn aldy.
