Іshki ister mınıstrligi el aýmaǵyndaǵy barlyq qarý-jaraq dúkenderin qatań baqylaýǵa aldy

Bul týraly búgin aptalyq brıfıngte QR Іshki ister mınıstrliginiń resmı ókili Nurdildá Oraz málim etti.

«Qarý satatyn barlyq dúkender ishki ister organdarynyń baqylaýynda. Respýblıka aýmaǵynda jalpy 97 qarý-jaraq satatyn dúken bar», - dedi ol.

Onyń atap ótýinshe, qazirgi kúni QR Іshki ister mınıstrligi qarý-jaraq satatyn barlyq dúkenderdiń basshylarymen jáne olarǵa qyzmet kórsetetin qaýipsizdik fırmalarymen profılaktıkalyq sharalar júrgizýde.

«Olar tehnıkalyq jáne dabyl qaǵý sharalaryn kúsheıtýi qajet. Biz qaýipsizdikti kúsheıtý maqsatynda barlyq sharalardy qolǵa alyp jatyrmyz», - dedi resmı ókil.