Іshki ister mınıstrligi bilim berý mekemelerin tekserýdi bastady
NUR-SULTAN. QazAqparat – Іshki ister mınıstrligi bilim berý mekemelerinde tekserýdi bastady, dep habarlaıdy QazAqparat mınıstrlikke silteme jasap.
Іshki ister mınıstrliginde Bilim berý uıymdarynda oqýshylardyń qaýipsizdigin qamtamasyz etý máseleleri boıynsha kezekten tys jedel keńes ótti. Keńes barysynda mınıstr Erlan Turǵymbaev ІІM qyzmetteri men aýmaqtyq polıtsııa departamentteriniń basshylaryna barlyq bilim berý mekemelerin beınebaqylaý júıelerimen, qyzmetkerler men kelýshilerdi habardar etý quraldarymen, dabyl túımelerimen, kúzet sıgnalızatsııasymen jáne kúzetpen jaraqtandyrýdy tekserýdi tapsyrdy.
17 mamyrda bastalatyn «Qarý» jedel aldyn alý is-sharasy sheńberinde qarý men oq-dárilerdi satýdyń zańdylyǵyn, olardy qarý dúkenderinde, sondaı-aq atys qarýynyń ıeleri bolyp tabylatyn zańdy jáne jeke tulǵalarda qaýipsiz saqtaý sharttaryn tekserýdi qamtamasyz etý tapsyryldy.
Sondaı-aq qatygezdik pen zorlyq-zombylyqty nasıhattaý faktilerin anyqtaý jáne den qoıý úshin ınternet-keńistiktiń turaqty monıtorıngi júzege asyrylatyn bolady.
«Balalar – qoǵamnyń eń osal bóligi. Sondyqtan olardyń qaýipsizdigi árqashan basymdyqqa ıe. Jergilikti atqarýshy organdarmen, bilim berý mekemelerimen jáne azamattarmen birlesip biz balalardyń mektepterde bilim alyp, ata-analardyń bala qaýipsizdigi týraly alańdamaýy úshin barlyq qajetti sharalardy qabyldaýǵa tıispiz», – dedi ІІM basshysy Erlan Turǵymbaev.Budan buryn habarlanǵandaı, 11 mamyrda Qazan qalasyndaǵy mektepte qylmysker oq jaýdyryp, adamdar qurban boldy. QR Bilim jáne ǵylym mınıstri Ashat Aımaǵambetov Tatarstannyń Qazan qalasynda bolǵan jaǵdaıǵa baılanysty elimizdegi aǵymdaǵy jaǵdaıǵa taldaý júrgizýdi jáne jaqyn arada balalardyń qaýipsizdigin qamtamasyz etý boıynsha barlyq deńgeılerde qosymsha keshendi sharalar qabyldaýdy tapsyrdy.