Іshki ister mınıstrligi «Aýyl joldary» respýblıkalyq aktsııasyn qorytyndylady

Mınıstrlik taratqan málimetterge qaraǵanda, atalmysh shara qazannyń 17-si men 21-i aralyǵynda qala syrtyndaǵy joldar men eldi-mekenderdegi jol-kólik oqıǵalarynyń saldarynan bolatyn dene jaraqattarynyń aldyn alý maqsatynda júrgizilgen. Onyń barysynda tártip saqshylary jol qozǵalysyna qatysýshylarǵa túsindirý jumystaryn júrgizýdi basty nazarda ustady. Aktsııa barysynda jol polıtsııasynyń bólimshe qyzmetkerleri eldi-mekenderge 1 myń 493 ret shyǵyp, júrgizýshilerge jáne jaıaý júrginshilerge 63 myń ret aqyl-keńes bergen. Sondaı-aq jol jáne kommýnaldyq sala qyzmetkerlerimen aýyldyq mekenderdegi joldarǵa 724 tekserý júrgizgen. Osy jumystar boıynsha, jergilikti atqarýshy organdarǵa 362 usynys jiberildi.