Іshki ister mınıstrligi akademııasyn 220 túlek bitirdi
ALMATY. Maýsymnyń 14-i. QazAqparat /Erbol Azanbek/ - Búgin QR ІІM-niń akademııasynda 220 jas ofıtserge saltanatty jaǵdaıda dıplom tapsyryldy.
Bıylǵy túlekterdiń 20-sy úzdik dıplom alǵan. «Barlyq ýaqytta ІІM-niń akademııasy óz isiniń naǵyz kásibı mamandaryn shyńdap shyǵaratyn oqý orny sanalady. Bizdiń oqý orny quqyq qorǵaý organdarynyń joǵary bilimdi mamandaryn birneshe ýaqyttan beri daıyndap keledi. Birneshe tolqyn bizdiń qabyrǵamyzdan túlep ushty. Osy ýaqyt aralyǵynda jas ofıtserlerdiń saltanatty sherýi, oqý ornynyń rámizderimen qoshtasý, taǵy da basqa dástúrleri jyldan-jylǵa jalǵasyp keledi. Bıyl da osyndaı saltanatty jaǵdaıda 220 túlekti ofıtserlik ómirge attandyryp otyrmyz», deıdi akademııa bastyǵynyń orynbasary polıtsııa polkovnıgi Altynǵalı Ábdiǵalıev.
Sharaǵa Almaty qalasy ІІD-niń bastyǵy, polıtsııa general-maıory Erlan Turǵymbaev qatysyp, úzdik túlekterge dıplom tapsyrdy. Onyń aıtýynsha, akademııa túlekteri ár ýaqytta quqyq qorǵaý salasyndaǵy tereń bilimderimen kózge túsip keledi. «Búginde akademııa túlekteri jedel-izdestirý, krımınaldyq qurylymdardyń negizgi mamandary retinde sanalady. Jyl saıyn akademııa túlekteriniń bir bóligi Almaty polıtsııasyna qyzmetke alynady. Bıylǵy jyly da 220 túlektiń 41-i Almaty polıtsııasyna qyzmetke ornalasyp otyr», deıdi Erlan Turǵymbaev.
