Іshki ister mınıstrligi adam saýdasy qylmysyna jaýapkershilikti qataıtýǵa baǵyttalǵan zań jobasyn ázirledi
ASTANA. 30 qańtar. QazAqparat - Búgin Parlament Májilisinde «Qazaqstan Respýblıkasynyń keıbir zańnamalyq aktilerine adam saýdasyna qarsy is-qımyl máseleleri boıynsha ózgerister men tolyqtyrýlar engizý týraly» zań jobasy tanystyryldy
ІІM Krımınaldy polıtsııa komıtetiniń tóraǵasy Erlan Omarbekovtiń aıtýynsha, zań jobasymen Qylmystyq, Qylmystyq-protsessýaldyq jáne Eńbek kodeksterine ózgerister engizý kózdeledi. Sonymen qatar, zań jobasynyń erejeleri negizinen adam saýdasyna qatysty qylmystar úshin qylmystyq jaýapkershilikti kúsheıtýge, adam saýdasy salasyndaǵy qylmystardan japa shekkenderdiń, onyń ishinde kámeletke tolmaǵandardyń quqy men múddesin qorǵaýǵa baǵyttalady. Budan bólek, qujattyń jańa normalary Qazaqstannyń qoldanystaǵy zańynyń jekelegen erejelerin BUU Transulttyq uıymdasqan qylmysqa qarsy kúres konventsııasyna sáıkes keltirýdi qamtıdy. Bul rette adam saýdasyna, ásirese áıelder men balalardyń qylmyskerler quryǵyna iligýine qarsy aldyn alý jáne jolyn kesý, sol baǵytta jazany kúsheıtý týraly hattama erejelerine basa nazar aýdarylady.
