Іshki ister mınıstriniń orynbasary bir avtobýs balany qutqarǵan polıtseıdiń qalyn bilip qaıtty
ASTANA. QazAqparat - Іshki ister mınıstriniń birinshi orynbasary polıtsııa general-leıtenanty Marat Demeýov Astananyń birinshi qalalyq aýrýhanasyna Pavlodardan sanıtarlyq ushaqpen jetkizilgen polıtsııa starshınasy Murat Nurseıitovtiń densaýlyǵyn bilip qaıtty.
Marat Demeýov ІІM basshylyǵy tarapynan óziniń qyzmettik mindetin oryndaý kezinde batyrlyq pen erjúrektilik tanytqan Murat Nurseıitovke alǵys aıtty.
«Biz óz ómirin qaterge tige otyryp, quqyqtyq tártipti qorǵaıtyn jáne azamattardyń qaýipsizdigin qamtamasyz etetin, jaýapkershiliktiń úlgisi bolyp tabylatyn qyzmetkerlerimizdi maqtan tutamyz. Olar ishki ister organdarynyń negizgi qazyǵy jáne senimdi tiregi», - dep atap ótti M. Demeýov.
Eske salsaq, Pavlodar-Astana tas jolynda Baıanaýylǵa balalardy jarysqa jetkizýi tıis bolǵan avtobýsqa ilesip kele jatqan polıtsııa kóligi men KamAZ soqtyǵysty . Júk kóligi avtobýspen soqtyǵyspas úshin polıtsııa qyzmetkeri Murat Nurseıitov ózi basqarǵan «Lada Granta» qyzmettik kóligin joldyń ústine kóldeneń burǵan.
Saldarynan polıtseı kóptegen jaraqattarmen Pavlodar qalalyq aýrýhanasyna jatqyzylyp, Astanaǵa alyp kelgenge deıin on kúnnen astam ýaqyt em aldy.
ІІM-niń baspasóz qyzmetinen habarlaǵandaı, Táýelsizdiktiń 25 jylynda qyzmettik mindetterin ótkerý kezinde ishki ister mınıstrliginiń 938 qyzmetkeri qaza boldy, onyń ishinde 765-i ishki ister organdarynyń qyzmetkeri, 173 Ulttyq ulannyń áskerı qyzmetshileri. Odan bólek, 2261 qyzmetker jaraqattar aldy.
1993 jyldan bastap 2016 jylǵy jeltoqsanǵa deıin memlekettik nagradalarmen ishki ister organdary men Ulttyq Ulannyń 1147 qyzmetkeri marapattaldy, onyń 127-sine qaza tapqannan keıin berildi.
