Іshki ister mınıstriniń orynbasarlary men ortalyq apparat 28 mamyrda attestattaýdan ótedi
ASTANA. 23 mamyr. QazAqparat - 28 mamyr kúni keste boıynsha ishki ister organdarynyń 75 qyzmetkeri,
sonyń ishinde mınıstrdiń orynbasarlary, ІІM ortalyq apparaty qyzmetteriniń jáne ishki ister organdarynyń aýmaqtyq bólimsheleri men qylmystyq-atqarý júıesiniń basshylary attestattaýdan ótedi. Bul týraly búgin ІІM ótken brıfıng barysynda vedomstvonyń resmı ókili Nurdildá Oraz málim etti.
Onyń aıtýynsha, kezekten tys attestattaý kestesine sáıkes, bıylǵy jyldyń 21 mamyrynda ishki ister organdarynyń basshylyq quramynan 23 qyzmetker, onyń ishinde 2-eýi - Ortalyq apparattyń, 8-i - ІІD basshylarynyń orynbasarlary, 1-eýi - qylmystyq atqarý júıesi departamentiniń jáne 12-si - oblystardaǵy QAJD basshylarynyń orynbasarlary QR zańnamasy bilimi boıynsha kompıýterlik testileýden ótti. 22 mamyrda olar oq atý jáne dene shynyqtyrý daıarlyǵy boıynsha normatıvter tapsyrdy. 23 mamyr kúni Medıtsınalyq akademııada olardyń psıhologııalyq turaqtylyǵyn tekserý úshin áńgimelesý júrgizilmek.
«Joǵarǵy attestattaý komıssııasynyń múshelerimen bolatyn áńgimelesý bıylǵy jyldyń 25-28 mamyr aralyǵynda ótpek», - dep túıindedi sózin N. Oraz.
