Іshki ister mınıstrin taǵaıyndaý ókilettigi Prezıdent quziretinde qaldy

ASTANA. QazAqparat - Elimizdiń Іshki ister mınıstrin taǵaıyndaý jáne qyzmetinen bosatý ókilettigi Qazaqstan Prezıdentiniń quziretinde qaldyryldy, dep habarlaıdy QazAqparat.

«Іshki ister mınıstrin taǵaıyndaý jáne qyzmetinen bosatý Prezıdenttiń jeke quqyǵynda bolsyn degen usynys kóterilgen edi. Bul jaıynda biz jazbasha da usynys  aldyq. Ony qarastyrdyq jáne usynyspen kelistik. Sebebi, birinshiden, Іshki ister mınıstri memlekettegi qoǵamdyq qaýipsizdik úshin, azamattardyń jeke basynyń qaýipsizdigine jaýap beredi», - dedi Parlament palatalarynyń otyrysynan keıin BAQ ókilderine suhbat bergen Májilis depýtaty, Konstıtýtsııalyq reforma jónindegi zań jobasyn ekinshi oqylymǵa daıyndaý jónindegi birlesken komıssııa tóraǵasy Nurlan Ábdirov.

Sonymen qatar onyń aıtýynsha,  Elbasy - Qazaqstan Respýblıkasynyń Prezıdenti óziniń joǵary mártebeli laýazymyna baılanysty QR Qarýly Kúshteriniń Joǵarǵy Bas Qolbasshysy bolyp sanalady.

«Al Іshki ister mınıstrliginiń quramynda Ulttyq gvardııa bar.  Ol tikeleı áskerı mekeme.  Sol sebepti qoldadyq. Sondyqtan búgingi tańda Elbasynyń jeke quqymen taǵaıyndalatyn jáne qyzmetinen bosatylatyn Іshki ister mınıstri osy tártippen qala beredi. Qorǵanys ta, Syrtqy ister mınıstri de. Al Ádilet mınıstrin bekitý jáne qyzmetinen bosatý Parlamentke beriledi», - dedi Májilis depýtaty.  

Aıta keteıik, búgin QR Parlamenti palatalarynyń birlesken otyrysynda «Qazaqstan Respýblıkasynyń Konstıtýtsııasyna ózgerister men tolyqtyrýlar  engizý týraly» QR Zańy qabyldanǵan bolatyn .