Іshki ister mınıstri otyrǵan ushaq apatqa ushyrady
ASTANA. 19 tamyz. QazAqparat - Búgin fıllıppındik Іshki ister mınıstri Hesse Robredo mingen ushaq Masbate provıntsııasynda teńizge qulady, dep habarlaıdy Ýtro.rý.
Ol Cessna dep atalatyn kishkentaı ushaqpen Ońtústik Kamarınes provıntsııasyndaǵy Naga qalasyna ushyp shyqqan bolatyn. Atalmysh qalada mańyzdy jınalys ótip jatqan. Ushaq áýege kótirilgen soń, ushqysh ushaqtyń buzylǵanyn habarlap, apatty qonýǵa baratynyn málimdegen. Degenmen ol áýejaıǵa jete almady, ushaq teńizge qulady.
Qutqarýshylar apat ornyna jetkende mınıstrdiń kómekshisi Hýn Abrazadony taýyp alǵan. Ol áýejaıdan 3 shaqyrym jerde, sýda qalqyp júrgen. Mınıstrdiń kómekshisi ózin ushaq qulaǵan jerge aparýdy ótingenimen, aýyr jaraqat alýyna baılanysty, ol jergilikti aýrýhanaǵa jetkizildi.
Abrazado ushaq qulap kele jatqan kezde sekirip úlgergen eken. Onyń aıtýynsha, mınıstr sekirip úlgermeı qalǵan. Ushaqtaǵy qalǵan tórt adamnyń taǵdyry beımálim. Qutqarýshylar mınıstr, eki ushqysh jáne bir polıtsııa ókilin izdeý jumystaryn qarqyndy júrgizýde.
Aldyn ala boljam boıynsha, apat motordaǵy aqaýlardan bolǵan.
